දරුවන් කෝ කියමින් උතුර නැගෙනහිර මානව හිමිකම් දිනය සැමරේ

0

බලහත්කාරයෙන් අතුරුදහන් කරනු ලැබුවන් වෙනුවෙන් යුක්තිය ඉල්ලා උතුරු නැගෙනහිර දෙපළාතේ විරෝධතා මාලාවක් දියත් කරමින් අතුරුදහන් කරනු ලැබුවන්ගේ ඥාතීන්ගේ සංවිධානය විසින් ජාත්‍යන්තර මානව හිමිකම් දිනය සමරා තිබේ.

පළාත් බද වාර්තාකරුවන් පවසන පරිදි දෙසැම්බර් 10 වැනි සිකුරාදා යාපනය, මුලතිව්, වව්නියා, මන්නාරම, මඩකලපුව, ත්‍රිකුණාමලය හා අම්පාර යන දිස්ත්‍රික්කයන්හි අතුරුදහන් කරනු ලැබුවන්ගේ ඥාතීන්ගේ සංවිධානය විසින් විරෝධතා පවත්වා එක් හඬින් ඉල්ලා ඇත්තේ දොළොස් වසරකට වැඩි කාලයක් තිස්සේ අතුරුදහන් කර සිටින සිය සමීපතමයන් වෙනුවෙන් යුක්තිය ඉටු කරන ලෙසයි.

යුද්ධය අවසානයේ ශ්‍රී ලංකා ආරක්ෂක හමුදාවලට බාරදුන් තම දරුවන් ඇතුළු නෑ හිතවතුන් පිළිබඳ සත්‍යය කවදා හෙළි කරගන්නට ලැබේද යන්න උතුරු නැගෙනහිර වීදි පුරා ඇසුණු ප්‍රශ්නය විය.

අතුරුදහන් කරනු ලැබුවන් සොයාගැනීමේ අඛණ්ඩ අරගලයක යෙදී සිටින ඥාතීන්ට එකම සමීපතමයකු හෝ සොයා දීමට සමත් වී නැති අතුරුදහන් වූ තැනැත්තන් පිළිබඳ කාර්යාලයට උතුරු නැගෙනහිර දෙපළාතේ අම්මාවරුන් දැඩි විරෝධය පළ කලේ ස්ත්‍රී – පුරුෂ සමාජභාවය මත පදනම් වූ ප්‍රචණ්ඩත්වයට එරෙහිව ලෝකය පුරා දියත් වන 16 දින ක්‍රියාකාරිත්වයේ අවසාන් දිනය සනිටුහන් කරමිනි.

බහලත්කාරයෙන් අතුරුදහන් කරනු ලැබු එකදු අයෙක් හෝ සොයාදීමට අපොහොසත්ව ඇති අතුරුදහන් වූ තැනැත්තන් පිළිබඳ කාර්යාලය (OMP)තවත් මාස තුනකින් පස් වැනි වසරට පා තබයි.

කෙසේ නමුත් 73 වැනි ජාත්‍යන්තර මානව හිමිකම් දිනයදා දෙමළ ජනයාගේ අයිතීන් වෙනුවෙන් දකුණේ විදීවල කිසිදු විරෝධතාවයක් දියත් වු බවක් දැනගන්නට නැතත් අගනුවර හෝටල් කීපයක සමරු රැස්වීම් පැවැත්වුණු බව වාර්තා වෙයි.

දොලොස් වසරකට වැඩි කාලයක් තිස්සේ ඉල්ලා සිටි යුක්තිය ඉටු කිරීමට ශ්‍රී ලංකා රජය මේ වන තෙක් ක්‍රියා කර නොමැති බව පවසන මව්වරුන් එහිදී ඉල්ලා තිබුනේ සිය දරුවන් සොයා ගැනීම වෙනුවෙන් ජාත්‍යන්තර මැදිහත් වීමකි.

මුලතිව් , මන්නාරම , මඩකලපු , ත්‍රිකුණාමලය යන නගර වල සටන් පාඨ ප්‍රදර්ශනය කරමින් විරෝධතා පවත්වා හැඩු කදුලින් යුතුව මව්වරුන් ජාත්‍යන්තර මානව හිමිකම් දිනය සමරද්දී වව්නියා මව්වරුන් ගිනි හුල දල්වා නගරයේ විරෝධතා පෙළපාලියක් දියත් කර තිබුනි.

අම්පාර දිස්ත්‍රික්කයේ මව්වරුන් විරෝධතාවය දියත් කර තිබුනේ ශ්‍රී ලංකා මානව හිමිකම් කොමිෂන් සභාවේ කල්මුනේ ප්‍රාදේශිය කාර්යාලට ඉදිරිපිටදීය.

විරෝධතාවය අවසානයේ එම කාර්යාලය වෙත ඉල්ලීම් ඇතුලත් සන්දේශයක් භාර දීමටත් අතුරුදහන් කරනු ලැබුවන්ගේ ඥාතීන්ගේ සංවිධානයේ අම්පාර දිස්ත්‍රික් නායිකාව කටයුතු කර තිබුනි.

අතුරුදහන් දෙමළ පිරිස් වෙනුවෙන් රජය විසින් ලබා දීමට යෝජනා කර තිබෙන වන්දි මුදල් සහ මරණ සහතික ලබා ගැනීම දැඩිව ප්‍රතික්ෂේප කරන උතුරු නැගෙනහිර මව්වරුන් දැඩිව ඉල්ලා සිටින්නේ තම සමීපතමයන්ට අත්වු ඉරණම හෙළි කර ඔවුන් වෙන්වෙන් යුක්තිය ඉටු කරන ලෙසයි.

මෛත්‍රී – රනිල් ආන්ඩුව විසින් තමන්ගේ නායකත්වයෙන් 2018 පෙබරවාරි 28 දා පිහිටුවන ලද කාර්යාලය සම්බන්ධයෙන් කෝපයෙන් යුතු ඥාතීන් සිටින බව හිටපු OMP ප්‍රධානියා කල් වේලා ඇතිවම පිළිගෙන තිබුනි.

“අතුරුදහන්වීම් සම්බන්ධයෙන් දැනට පවතින තත්ත්වය පිළිබඳව කෝපයට හා ශෝකයට පත් පවුල් වල සාමාජිකයින් දහස් ගණනක් අතුරුදහන් වූ තැනැත්තන් පිළිබඳ කාර්යාලයේ අපට මුණගැසී ඇති අතර, අතුරුදහන් වීම් සම්බන්ධයෙන් රජය විසින් අනුගමනය කරනු ලබන ක්‍රියාවලියට එරෙහිව විරෝධතාවන්ට සහභාගී වූ, රාජ්‍ය ආයතන කෙරෙහි කිසිදු විශ්වාසයක් නැති සහ මේ සම්බන්ධයෙන් ජාත්‍යනත්තර මැදිහත්වීමක් අපේක්ෂා කරන පිරිස් මේ අතර සිටිති,” යි OMP දෑවුරුදු සමරුව වෙනුවෙන් ජනාධිපති නීතිඥ සාලිය පිරිස්ගේ සභාපතිවරයා නිකුත් කළ නිවේදනයක දැක්වේ.

ආගිය අතක් සොයා ගැනීමට නොමැති තම සමීපතමයන්ගේ ඉරණම ඥාතීන්ට හෙළිකර දීම සඳහා ආණ්ඩුවට “නෛතික හා සදාචාරාත්මක” වගකීමක් ඇතැයි හිටපු OMP ප්‍රධානියා සිය ධුර කාලය අවසන් වීමට පෙර පැවති දෙවර්ෂ පූර්ණ සංවත්සර නිවේදනයේ සඳහන් කර තිබුණි.

Facebook Comments

wedding people