මුල්‍ය නගරයෙන් ධීවරයන්ට වන බලපෑම සොයන්න කමිටුවක්

0

ජාත්‍යන්තර මූල්‍ය නගරය ඉදිකිරීම හේතුවෙන් ධීවරයින්ට සිදුවන බලපෑම පිළිබඳව සොයා බැලීම සඳහා විශේෂ කමිටුවක් පත් කර ඇති බව මහා නගර හා බස්නාහිර සංවර්ධන අමාත්‍යාංශය පවසනවා.

දස දෙනෙකුගෙන් යුත් කණ්ඩායමක් මේ සඳහා පත් කර ඇති බවයි එම අමාත්‍යංශය නිවේදනයක් නිකුත් කරමින් සඳහන් කරන්නේ.

එම කමිටුවට ධීවර ප්‍රජාව නියෝජනය කරමින් නියෝජිතයින් 05 දෙනෙකු සහ අමාත්‍යාංශය සහ ව්‍යාපෘති කණ්ඩායම් නියෝජනය කරමින් නියෝජිතයින් 05 දෙනෙකු ඇතුළත්ව ඇත.

මූල්‍ය නගරය නිර්මාණය කිරීමේදී ගොඩබිම සහ මුහුදු ආශ්‍රිත ප්‍රදේශයන් ගොඩකිරීම සඳහා අවශ්‍යවන වැලි ලබා ගැනීම මේ වන විටත් හඳුනාගත් ස්ථාන කිහිපයකින් පමණක් සිදු කරමින් පවතින බව අමාත්‍යාංශය සඳහන් කළේය.

එහෙත් ඊට විරෝධය පළ කරමින් ධීවරයින් විරෝධතාවයක ද නිරත වුණි.

මෙම ව්‍යාපෘති ආරම්භ කිරීමට පෙර සිටම ධීවර වෘත්තීය සමිති නායකයින් සහ ධීවර ප්‍රජාව මෙන්ම ව්‍යාපෘතියට සම්බන්ධ සෘජු සහ වක්‍ර පාර්ශව සමග සාකච්ඡා පවත්වා ඇති බව ද අමාත්‍යංශය පවසයි.

එහෙත් පෙරට සාපේක්ෂව ධීවර අස්වැන්නෙහි අඩුවක් ඇත්නම් ඒ සඳහා විධිමත් අධ්‍යයනයකින් අනතුරුව මත්ස්‍ය ආදායමේ අඩුවට සරිලන මූල්‍ය ප්‍රදානයක් පිරිනැමීමට විෂයබාර අමාත්‍ය පාඨලී චම්පික රණවක මහතා උපදෙස් ලබාදී ඇති බව ද එම අමාත්‍යාංශය සඳහන් කළේය.

Facebook Comments

wedding people