“මගේ දරුවෝ පාරට දාපු රාජපක්ෂලා තමන්ගේ පුත්තුන්ගේ මංගල්ල ගන්නවා” (VIDEO)

0

සැමියා අතුරුදහන් කරවමින් තම දරුවන් පාරට ඇඳ දැමු රාජපක්ෂවරු තම දරුවන්ගේ මංගල්‍ය උත්සව පවත්වමින් සිටන බවට අතුරුදහන් කරවන ලද මාධ්‍යවේදීයෙකුගේ බිරියක් චෝදනා කර සිටී.

“ප්‍රගීත්ගේ අතරුදහන් වෙලා නම වෙනි අවුරුද්ද දවසේ මහින්ද රාජපක්ෂ ජනාධිපතිතුමාගේ පුතාගේ මංගල්ලේ. රාජපක්ෂ මගේ දරුවෝ පාරට ඇඳල දාලා, මගේ දරුවෝ පාර දිගේ ඇවිදිනවා, මගෙ දරුවන්ගේ ජීවිත විනාශ කැලා දාලා, තමන්ගේ පුතාලගේ මංගල්ල ගන්වා.” යි සන්ධ්‍යා එක්නැළිගොඩ කියා සිටියාය.

යුක්තිය ඉෂ්ඨ කර ගැනිමේ බලාපොරොත්තුවෙන් බලයට පත් කරවන ලද ජනාධිපති මෛත්‍රීපාල සිරිසේන අපරාධකරුවන් ආරක්ෂ කරමින් යුක්තිය වළක්වන බවටයි ඇය චෝදනා කරන්නේ.

ප්‍රගීත් එක්නැළිගොඩ අතුරුදහන් කර නම වසරක් පිරුනෙ දින නොලද යුක්තිය ඉල්ලා දේව කන්නලව්වක් පැවැත්වීමට එක්වෙමින් සන්ධ්‍යා එක්නැළිගොඩ මේ බව මාධ්‍ය වෙත ප්‍රකාශ කළාය.

නොලද යුක්තිය

සැමියා අතරුදහන් කරමින් තමාගේ හා දරුවන්ගේ ජිවිත විනාශ කරවුවන්ට දඬුවම් ලබා දෙන ලෙස ඉල්ලමින් දේව කන්නලව්ව පවත්වන බව ඇය පැවසුවාය.

“මගේ සැමියා නැති කරලා. මගේ ජිවිතේ විනාශ කරපු, මගේ දරුවන්ගේ ජිවිතය විනාශ කරපු අපරාධකාරයින් සේරටම දඬුවම් දෙන්න. මං වගේ ඒ අයගේ ගෑණුත් විඳවන තත්ත්වය පත් වෙන්න ඕනේ. ඒක කියල තමයි මම කාළි මෑණි යදින්නේ.”

අධිකරණයෙන් තමන්ට යුක්තිය ඉෂ්ඨ වනු ඇති බවට සැක පළ කල සන්ධ්‍යා එක්නැළිගොඩ ස්වාභාව ධර්මයෙන් යුක්තිය ඉටු වනු ඇති බවට විශ්වාසය පළ කළාය.

ප්‍රගීත්ව අතුරුදහන් කරවමින් ඔහුගේ ජිවිතය උදුරා ගනිමින් නොනැවතණු පිරිස් ඔහුට අපහාස කරමින් සිටින බවටයි සන්ධ්‍යා එක්නැළිගොඩ වැඩි දුරටත් චෝදනා කරන්නේ.

Facebook Comments

wedding people