අනුරාධපුර දේශපාලන සිරකාර උපවාසයට මැගසින් බන්ධනාගාරයත් එක්වෙයි

0
ඡායා-රොෂාන් චතුරංග

නිදහස ඉල්ලා අනුරාධපුර බන්ධනාගාරයේ දෙමළ දේශපාලන සිරකරුවන් ආරම්භ කර ඇති උපවාසයට කොළඹ මැගසින් බන්ධනාගාරයේ දේශපාලන සිරකරුවන් ද එක්වී තිබේ.

අනුරාධපුර බන්ධනාගාරයේ රඳවා සිටි දෙමළ දේශපාලන සිරකරුවන් 10 දෙනකු ආරම්භ කරන ලද උපවාසයට මැගසින් බන්ධනාගාරයේ දේශපාලන සිරකරුවන් 40 දෙනෙකු 3 බදාදා සිට එක්වු බවයි බන්ධනාගාර කොමසාරිස් තුෂාර උපුල්දෙණිය පවසන්නේ.

ශ්‍රී ලංකාවේ දේශපාලන සිරකරුවන් ඉන්නා බව පිළිගැනීම ඔවුන්ගේ නිදහස වෙනුවෙන් සපුරාලිය යුතු අත්‍යාවශ්‍ය පියවරක් බව දේශපාලන සිරකරුවන් නිදහස් කරගැනීම සඳහා වන ජාතික ව්‍යාපාරයේ කැඳවුම්කරු මාරිමුත්තු සතිවේල් පියතුමා පසුගිය ද දේශපාලන සිරකරුවන්ගේ නිදහස පතා පැවති විරෝධතාවයක දී කියා තිබුණි.

දැනට ඝන ආහාර වර්ජනයේ යෙදී සිටින අනුරාධපුර බන්ධනාගාරයේ රැඳවියන්ගේ තත්වය බරපතල බව පවසන පියතුමා, ඉල්ලීම් ඉටු නොවුනොත් ඉදිරියේදී දියර ආහාර හා වෛද්‍ය ප්‍රතිකාරද අත්හිටුවීමේ මාරාන්තික තීරණයට ඔවුන් එළැඹ ඇති බව කියා සිටියේය.

ත්‍රස්ත විරෝධී නීති යොදාගෙන වසර ගණනක් තිස්සේ සිරගතකොට සිටින ඔවුන්ට යුක්තිය ඉටු කිරීම පමා වන්නේ නීතිපති දෙපාර්තමේන්තුවත් අධිකරණයත් නඩු කටයුතු කල් යැවීම නිසා බවටයි දේශපාලන සිරකරුවන් නිදහස් කරගැනීම සඳහා වන ජාතික ව්‍යාපාරය චෝදනා කරන්නේ.

දේශපාලන සිරකරුවන් නිදහස් කරගැනීම සඳහා වන ජාතික ව්‍යාපාරයේ ගණන් බැලීමට අනුව දෙමළ දේශපාලන සිරකරුවන් 107 දෙනෙකු දැනට බන්ධනාගාර ගතව සිටිති.

Facebook Comments

wedding people