ශ්‍රී ලංකාව ලෝකයේ ප‍්‍රබුද්ධ රාජ්‍යයක් බවට පත් කිරීමට සහාය දෙන්න -ජනපති එක්සත් ජාතින්ගේ සමුළුවේ දී ඉල්ලයි

0
710
Address by His Excellency Maithripala Sirisena, President of the Democratic Socialist Republic of Sri Lanka
Ivory Agency Sri Lanka
wedding people

ලෝකයේ සෑම රටකටම ආදර්ශමත් නිදහස් ප‍්‍රජාතන්ත‍්‍රවාදී සමාජයක් ගොඩනගමින් ශී‍්‍ර ලංකාව ලෝකයේ ප‍්‍රබුද්ධ රාජ්‍යයක් බවට පත් කිරීම සඳහා ශ්‍රී ලංකාවට ගෙන යන වැඩ පිළිවෙලට ලෝක ප්‍රජාවගේ සහයෝගය අපේක්ෂා කරන බව ශ්‍රී ලංකා ජනාධිපති මෛත්‍රිපාල සිරිසේන එක්සත් ජාතීන්ගේ 71 වන මහා මණ්ඩල සැසිවාරය අමතමින් ප්‍රකාශ කළේය.

ශී‍්‍ර ලංකාව ලෝකයේ ඉතාමත් සතුටින් ජීවත්වන ජනතාවක් සිටින රටවල් අතරින් එක් රටක් බවට පත් කිරීම ශ්‍රී ලංකා රජයේ අරමුණ බව ප්‍රකාශ කළ ජනාධිපතිවරයා ඒ සඳහා නිදහස සහ ප‍්‍රජාතන්ත‍්‍රවාදය තහවුරු කිරීමත්, ආර්ථික සමෘද්ධිය ඇති කිරීමත් තම රජයේ ප‍්‍රධාන අරමුණක් හා අභිප‍්‍රායක් වන බව ද ප්‍රකාශ කර සිටියේය.

දුගීභාවය මේ වනවිට මුළු ලෝකය පුරාම පවතින බරපතළ අභියෝගයක් බැවින් 2017 වර්ෂය ශී‍්‍ර ලංකාව දුගී භාවයෙන් නිදහස් වීමේ වර්ෂය ලෙස ශ්‍රී ලංකාව නම් කර ඇති බව පෙන්වා දුන් ශ්‍රී ලංකා ජනාධිපතිවරයා ආර්ථික සංවර්ධනය මුල් කරගත් රටක ජනතාවගේ සියලූ ප‍්‍රශ්න විසඳීම සඳහා අවශ්‍ය මූලික පහසුකම් සකස් කිරීමේ කාර්යයට තමා ප‍්‍රමුඛත්වය දී තිබෙන බව අවධාරණය කළේය.

නව යෝජනා

කි‍්‍රස්තියානි ධර්මය, ඉස්ලාම් ධර්මය ඒ වගේම හින්දු ධර්මය හා අනෙකුත් ආගමික අධ්‍යාත්මික දර්ශනයන් වඩ වඩා පුළුල් කිරීම සහ සඳහා සියලූ රාජ්‍යයන්හි ආශිර්වාදය අවශ්‍ය යුගයක් තමන් දකින බව සඳහන් කල ජනාධිපති මෛත්‍රිපාල සිරිසේන මේ අවශ්‍ය වෙනස්කම් රටවල් තුළ සිදු කිරීමේදී ශී‍්‍ර ලංකාව වගේම ලෝකයේ බොහෝ රාජ්‍යයන් මුහුණ දී තිබෙන බරපතල ප‍්‍රශ්නයන් පිළිබ`එක්සත් ජාතීන්ගේ අවධානය යොමු කිරීමට කටයුතු කිරීමද විශේෂයි.

පාසල් දරුවන් ප‍්‍රමුඛ නව පරපුර සියලූ පුරවැසියන් බරපතල ඛේදවාචකයකට මුහුණ දී තිබෙන මෙම මත්ද්‍රව්‍ය උවදුර ජාත්‍යන්තර වශයෙන් මෙන්ම ජාතික වශයෙන් ඉවත් කිරීම, මර්ධනය සහ පාලනය සදහා එක්සත් ජාතින්ගේ මහ සමුළුවේ අවධානය යොමු කරමින් දැනට වඩා විධිමත්, ශක්තිමත් ජාත්‍යන්තර වැඩපිළිවෙළක අවශ්‍යතාවය ශ්‍රී ලංකා ජනාධිපතිවරයා සභාව හමුවේ පෙන්වා දුන්නේය.

ශී‍්‍ර ලංකාවේ ස්වාධීනත්වය, ස්වෛරීත්වය හා භෞමික අඛණ්ඩතාවය ආරක්ෂා කරමින් ජාතික සංහිදියා පිළිවෙත ශක්තිමත් කිරීමට නව රජය කැපවී සිටින බව ද පැවසූ ජනාධිපතිවරයා ශී‍්‍ර ලංකාව තුළ නැවත යුද්ධයක් ඇතිවීම වැළැක්වීමට අවශ්‍ය සියලූ පියවරයන් ගන්නා බවද අවධාරණය කළේය.

ස්වදේශවාදී දැක්මක් සහිතව සමාජ ප‍්‍රජාතන්ත‍්‍රවාදී ගමනකට අද ශී‍්‍ර ලංකාව මුල පුරා ඇති බවත් ඉතා ඉවසීමෙන් සහ සංයමයෙන් යුතුව එම ගමන යා යුතු බවත් මෙහිදී ප‍්‍රකාශ කළ ජනාධිපතිවරයා එම ඉලක්ක කරා ළඟාවීමට ලෝකයේ සියලූ රාජ්‍යයන්හි හා අන්තර්ජාතික සංවිධානවල සහාය තමා අපේක්ෂා කරන බවද කියා සිටියේය.

ලෝකයේ සියලූම රාජ්‍යයන්හි හා අන්තර්ජාතික සංවිධානවල ආශිර්වාදය සහ සහයෝගය අපේක්ෂා කරමින් ශී‍්‍ර ලංකාවේ ස්වාධිනත්වය, ස්වෛරීත්වය, භෞමික අඛණ්ඩතාවය ආරක්ෂා කරමින් ජාතික සංහිදියා පිළිවෙත ශක්තිමත් කිරීමේදී හඳුන්වා දෙන නව දේශපාලන ප‍්‍රතිසංස්කරණවලදී තම රට වගේම ලෝකයේ සෑම රටකටම, ලෝකයේ සෑම ජාතියකටම අනන්‍ය වූ වගේම අත්‍යාවශ්‍ය වූ ස්වදේශකවාදී චින්තනයක් හා දැක්මක් තුළින් සමාජ ප‍්‍රජාතන්ත‍්‍රවාදී දේශපාලන ගමනක් සඳහා ඒ අදාළ හරයන් ප‍්‍රමුඛ වූ අවශ්‍ය ප‍්‍රතිසංස්කරණ සමග යාමේදී ජාත්‍යන්තර සහයෝගය සහ මතවාදය එක්ව අන්තර්ජාතික සාමුහිකත්වය සහ සහයෝගය තුලින් රට ගොඩනැගීමට බලා පොරොත්තුවන බව සිය දේශනයේ දී සඳහන් කළේය.

බෑන් කි මුන් ට ස්තුතිය

එක්සත් ජාතින්ගේ මහ ලේකම් බෑන් කී මුන් පසුගිය කාලය තුළ ඉටු කරන ලද අන්තර්ජාතික සේවාව වගේම සංහිඳිය පිළිවෙත ශක්තිමත් කිරීමට මහත් ලෝකයට සහ මානව සමාජයට අවශ්‍ය පුළුල් සංවර්ධන කි‍්‍රයාදාමයන් ඉෂ්ට කිරීම සඳහා කළ සේවය ශ්‍රී ලංකා ජනාධිපතිවරයා සිය දේශනයේ දී අගය කළේය.

එසේම එක්සත් ජාතීන්ගේ මහා ලේකම්වරයා සහ ජනාධිපතිවරයා අතර හමු දෙකක් සිදුවිය.

ඉන් පළමුවැන්න බදාදා (21) උදෑසන මිහිතලය ආරක්ෂා කර ගැනීම සඳහා ලොව සියලූම රටවල් අනුගමනය කළ යුතු ක‍්‍රම හා විධි සහිත ඓතිහාසික ලියවිල්ලක් වූ පැරිස් සම්මුතිය ශී‍්‍ර ලංකාව තුළ තහවුරු කරමින් බලාත්මක කිරීමට කටයුතු කළ බවට වූ වාර්තාව පිළිගන්වනු ලැබූ අවස්ථාවේ දීය.

14355745_10154389200616327_4011009637685314131_n

ඉන් අනතුරුව එදින සවස ද ජනාධිපතිවරයා සහ එක්සත් ජාතීන්ගේ මහා ලේකම් වරයා අතර නිල හමුවක් ද පැවැත්විණි. එහිදී යහපාලනය සහ සංහිඳියාව වෙනුවෙන් ශී‍්‍ර ලංකා ජනාධිපති මෛතී‍්‍රපාල සිරිසේන ගේ කැපවීම එක්සත් ජාතීන්ගේ සංවිධානයේ මහ ලේකම් ඉමහත් පැසසුමට ලක් කර තිබේ.

ඇමෙරිකානු රාජ්‍ය ලේකම් ගේ ප්‍රසාදය

kerry-640x360

ශ්‍රී ලන්ක්ක ජනාධිපතිවරයා සහ ඇමෙරිකානු රාජ්‍ය ලේකම් ජෝන් කෙරී අතර හමුවක් ද බදාදා (21) සිදුවුණ අතර ශී‍්‍ර ලංකාව අද ප‍්‍රවේශ වී ඇති නිවැරදි මාවත පිළිබඳව තමන් ඉතා සතුටට පත්වන බව ඇමෙරිකානු රාජ්‍ය ලේකම් ජනාධිපතිවරයා හමුවේ ප්‍රකශ කර ඇත.

ශී‍්‍ර ලංකාවට අවශ්‍ය සහය අඛණ්ඩව ලබාදීමට ඇමෙරිකාව සූදානම් බව ද ඇමෙරිකානු රාජ්‍ය ලේකම්වරයා අවධාරණය කළේය.

(Radio gagana)

Facebook Comments