”සංහිඳියාව හා සහජීවනය පිළිබඳ ජාතික ප්‍රතිපත්තිය” එළිදැක්වීම සහ ”තුන්දෙනෙක්” චිත්‍රපටයේ මංගල දර්ශනය ජනපති මෛත්‍රිපාල සිරිසේන සහ අගමැති රනිල් වික්‍රමසිංහගේ ප්‍රධානත්වයෙන් එළි දැක්වීමට කටයුතු යොදා තිබේ.
සංහිඳියාව හා සහජීවනය පිළිබඳ ජාතික ප්‍රතිපත්තිය සම්පාදනය කොට ඇත්තේ, හිටපු ජනාධිපතිනි චන්ද්‍රිකා බණ්ඩාරනයක කුමාරතුංග සභාපතීත්වය දරණ ජාතික සමඟිය හා සංහිඳියා කාර්යාංශයෙන් වන අතර ”තුන්දෙනෙක්” චිත්‍රපටය නිෂ්පාදනය කර ඇත්තේ ද එම කාර්යාංශය විසිනි.
ප්‍රසන්න විතානගේ, විමුක්ති ජයසුන්දර සහ අශෝක හඳගම යන ප්‍රවීණ චිත්‍රපට අධ්‍යක්ෂකවරුන් විසින් ”තුන්දෙනෙක්” චිත්‍රපටය අධ්‍යක්ෂණය කර ඇත.
චිත්‍රපටයේ මංගල දර්ශන සහ ”සංහිඳියාව හා සහජීවනය පිළිබඳ ජාතික ප්‍රතිපත්තිය” එළිදැක්වීම පෙබරවාරි මස 27 දින ප.ව. 5.30ට කොළඹ රීගල් සිනමා ශාලවේ දී පැවැත්වෙන බව ජාතික සමඟිය හා සංහිඳියා කාර්යාංශය වැඩි දුරටත් නිවේදනය කරයි.
Facebook Comments
