ඉදිරි මහ මැතිවරණයේදී එක්සත් ජාතික පක්ෂ අගමැති අපේක්ෂකයා ලෙස සජිත් ප්‍රේමදාස නම් කිරිමටත් ජනාධිපතිවරණ අපේක්ෂකත්වය රනිල් වික්‍රමසිංහට ලබා දීමටත් එම පක්ෂය තීන්දු කර තිබේ.
එමෙන්ම හංසයා ලකුණින් පුලුල් පෙරමුණකින් ඉදිරි මහා මැතිවරණයට තරඟ කිරීමට 10 සෙනසුරාදා පැවති එක්සත් ජාතික පක්ෂ පාර්ලිමේන්තු කණ්ඩායම් හමුවේදී එකඟ වී ඇත.
එජාපය සමඟ ප්‍රජාතන්ත්‍රවාදී වුවමනාව වෙනුවෙන් පෙනි සිටින ශ්‍රිලනිප සහ අනෙකුත් පක්ෂ හා සංවිධානවල කොටස් එක පෙරමුණකට ගෙන තරග කිරීමෙන් සිරිසේන මහින්ද ප්‍රජාතන්ත්‍ර විරෝධී කුමන්ත්‍රණය පරාජය කිරීම පහසු වනු ඇති බවට මංගල සමරවීර විශ්වාසය පල කර තිබේ.
මහ මැතිවරණය මෙන්ම ජනාධිපතිවරණය කෙරෙහිද අවධානය යොමු කල යුතු බව පෙන්වා දී ඇති මංගල සමරවීර ඇමැතිවරයා අගමැති අපේක්ෂක ලෙස සජිත් ප්‍රේමදාස නම් කර ජනාධිපති අපේක්ෂකත්වය රනිල් වික්‍රමසිංහට ලබා දී යුතු බවට යෝජනා කල බවයි එජාප ආරංචි මාර්ග පවසන්නේ.
වත්මන් ජනාධිපතිවරයාගේ ආඥාදායක හැසිරීමට එරෙහිව ද ඉක්මන් ක්‍රියා මාර්ග ගත යුතු බව අවධාරණය කර ඇති ඇමැතිවරයා එසේ නොවුනහොත් ඉදිරියේ පත්වන අගමැතිවරයාටද අප්‍රසාදය පල කර ජනපති කටයුතු කිරීමට ඇති හැකියාව පෙන්වා දී ඇත.
Facebook Comments
