ශ්‍රී ලංකා පොදුජන සන්ධානයෙන් ඉදිරි මහ මැතිවරණයට තරඟ කරන මෛත්‍රී පාර්ශවයේ කිසිවෙකුට ජන්දය ලබා නොදෙන්නැයි පොහොට්ටු පක්ෂයේ ප්‍රබලයකු ජනතාවගෙන් ඉල්ලා තිබේ.
මහින්ද – ගෝඨාභය සුසංයෝගය වෙනුවෙන් පෙනී සිටින පසුගිය සමයේ මහින්ද රාජපක්ෂ හැර නොගිය පිරිස් වෙත මනාපය ලබා දෙන ලෙස ඇමැති ප්‍රසන්න රණතුංග ඉල්ලා සිටී.
“කළගුණ දන්න ජනාතාව හැමදාම හිටියේ පොහොට්ටුවත් එක්කයි. දැන් මෛත්‍රීපාල සිරිසේන ජනාධිපතිවරයා මේ ලගදී කියලා තිබුණා ඔහු උකුස්සා වගේ දියකාවගේ කටේ තියෙන මාළුවා ඩැහැගන්න දක්ෂයි කියලා. 2015 දීත් මෛත්‍රීපාල සිරිසේන හිටපු ජනාධිපතිවරයා මේ ජඩ වැඩේ කළා. මේ මැතිවරණය ජයග්‍රහණය කරලත් ඒ අය ඒ සෙල්ලමම දාන්න උත්සාහ කරනවාදැයි අපිට සැකයක් තියෙනවා. අපි කිසිසේත් ඒකට ඉඩ තියන්නේ නෑ. ඒ නිසා අපි ජනතාවගෙන් ඉල්ලන්නේ පොහොට්ටුවෙන් තරග කරත් මෙවර මහා මැතිවරණයේ දී මෛත්‍රීට ගෑවුණු කිසිවෙකුට ඡන්දය දෙන්න එපා.”
සුළු ජාතික පක්ෂව නොමැතිව තුවෙන් දෙකක බලයක් සහිත ආණ්ඩුවක් පිහිටුවන බව කී ඇමැතිවරයා දෙමළ හා මුස්ලිම් නියෝජනය කරන පක්ෂ හඳුන්වා දෙනු ලැබුවේ අන්තවාදී කණ්ඩයම් ලෙසයි.
“මේ තුනෙන් දෙකක බහුතර බලය ගත්තාම තමයි අපිට පුළුවන් දෙමළ ජාතික සන්ධානය, මුස්ලිම් අන්තවාදී සංවිධාන අපිව යට කරගන්න හදන එක වළක්වන්න. අපි අන්තවාදී සහයෝගය නැතිවයි මෙවර ආණ්ඩුව පිහිටවන්න කටයුතු කරන්නේ. අන්තවාදීන් එක්ක එකතු වෙලා ආණ්ඩුවක් පිහිටවලා අපිට වැඩක් නෑ. මොකද අපි රටට ආදරේ නිසා. පහුගිය දවසේ අපි පාර්ලිමේන්තුවට පරිපූරක ඇස්තමේන්තුව දැම්මේ මේ රටේ නතර වෙලා තිබුණු සංවර්ධන කටයුතු ඉදිරියට ගෙනියන්න.” ඇමැති ප්‍රසන්න රණතුංග වැඩි දුරටත් කියා සිටියේය.
Facebook Comments
