රෝහින්ග්‍යාවරුන්ට එරෙහි ආගමික ප්‍රහාරයන්ට විරුද්ධව කොළඹ විරෝධතාවක් (VIDEO)

0

මියන්මාරයේ පාරම්පරිකව වෙසෙන රොහින්ග්‍යා මුස්ලිම් ජාතිකයන් ආගම්වාදී ප්‍රහාර මගින් ඝාතනය කිරීම වහාම නතර කරන ලෙස මියන්මාර් රජයට බලකරමින් කොළඹදී උද්ඝෝෂණයක් පවත්වා තිබේ.

ශ්‍රී ලංකාවේ පිහිටි මියන්මාර් තානාපති කාර්යාලය ඉදිරිපිටදී 08 බ්‍රහස්පතින්දා දින එම උද්ඝෝෂණය පවත්වා ඇත්තේ මානව හිමිකම් ක්‍රියාධරයන්ගේ සහ වාමාංෂික ක්‍රීයාධරයන්ගේ සහභාගීත්වයෙනි.

පසුගිය කාලය තුළ රහසිගත අයුරින් මියන්මාරයේ පාරම්පරිකව වෙසෙන රොහින්ග්‍යා මුස්ලිම් ජාතිකයන්ට පහර දෙමින් මරා දමා ඇති අතර රොහින්ග්‍යා මුස්ලිම් ජාතිකයන් මියන්මාර් රටේ ජාතියක් ලෙස පිලිගන්නයැයි පසුගිය වසරේදී ද එම රජයෙන් ඉල්ලා සිටියත් මේ වන විට 26000 කට අධික මුස්ලිම් වැසියන් පිරිසක් ජීවිත ආරක්ෂාව පතා බංගලාදේශයට පලාගොස් ඇත.

තමන් ප්‍රජාතන්ත්‍රවාදය ගරු කරන බව ලෝකයට පෙන්වා බලයට පැමිණි පාලක පක්ෂයේ නායිකාව මුස්ලිම් ජනතාව අපේක්ෂා කළ ස්වපාලනයක් ලබා දීම වෙනුවට මර්දනය තවත් දැඩි කරන බවට විරෝධතාකරුවෝ පෙන්වා දුන්හ.

විරෝධතාකරුවන් මියන්මාර් රජයෙන් තවදුරටත් ඉල්ලා සිටියේ රොහින්ග්‍යා මුස්ලිම්වරුන් රටේ සුලු ජාතියක් වුවත් ඔවුන් රටේ ජනතාවක් වශයෙන් පිළිගෙන ඔවුන්ගේ ජීවිත ආරක්ෂාව තහවුරු කර ඔවුන්ට නිදහසේ ජීවත්වීමේ අයිතිය ලබා දෙන ලෙසයි.

උද්ඝෝෂණයෙන් අනතුරුව මියන්මාරයේ පාරම්පරිකව වෙසෙන රොහින්ග්‍යා මුස්ලිම් ජාතිකයන්ගේ අයීතින් සුරකින ලෙස ඉල්ලමින් සකස් කළ සන්දේශයක්ද මියන්මාර් තානාපති කාර්යාලය වෙත භාර දීමට ද සංවිධායකයන් කටයුතු කර තිබුණි.

බුරුමයේ අද සිදුවන්නේ මහින්ද රාජපක්ෂ පාලනය යටතේ දෙමළ ජනතාවට එරෙහිව සිදුවූ ආකාරයේ මහා අපරාධයක් බවයි විරෝධතාවයට එක් වු නව සම සමාජ පක්ෂ නායක ආචාර්ය වික්‍රමබාහු කියා සිටියේය.

මුස්ලිම් විරෝධී ප්‍රහාර වලින් බේරීම සඳහා මියන්මාරයේ රඛයින් ප්‍රාන්තයෙන් ඉකුත් දෙසතිය තුල මියන්මාරයෙන් පලා ගිය රෝහින්ග්‍යා වරුන් පිරිස 146,000 ඉක්මවන බව එක්සත් ජාතීන්ගේ සංවිධානය වාර්තා පෙන්වා දෙයි.

 

Facebook Comments

wedding people