ගෝඨාභය රාජපක්ෂ ජනාධිපති ධුරයෙන් ඉවත් වුවහොත් ඉන් පසුව ජනාධිපති ධුරයට පත් කිරීමට විපක්ෂයෙන් හා ආණ්ඩු පක්ෂයෙන් නම් දෙකක් යෝජනා වී තිබේ.
ඒ විපක්ෂ නායක සජිත් ප්‍රේමදාස සහ හිටපු අමාත්‍ය, ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ඩලස් අලහප්පෙරුම ය.
මේ පිළිබඳ විශේෂ සාකච්ඡාවක් පාර්ලිමේන්තු මන්ත්‍රී තලතා අතුකෝරලගේ නිවසේ 10 ඉරිදා පැවති සාකච්ඡා වලදී මොවුන් දෙදෙනා ජනාධිපති ධුරයට යෝජනා වී ඇත.
සමගි ජන බලවේගය, ශ්‍රී ලංකා නිදහස් පක්ෂය, අනුර ප්‍රියදර්ශන යාපා මහතා ප්‍රමුඛ ස්වාධීන කණ්ඩායම සහ හවුල් පක්ෂ නවයේ කණ්ඩායම ඇතුළු පක්ෂ හා කණ්ඩායම් රැසක් මෙම සාකච්ඡාවට සහභාගි වී ඇතැයි වාර්තා වේ.
පාර්ලිමේන්තුව තුළ බෙදීමක් ඇති නොකර එක් අයකු ජනාධිපතිවරයා ලෙසත්, අනෙක් තැනැත්තා අගමැති ලෙසත් පත් කිරීම සම්බන්ධයෙන් එහිදී සාකච්ඡා වී ඇතැයි දේශපාලන ආරංචි මාර්ග පවසයි.
ඉල්ලා අස්වෙනවා
කලින් ප්‍රකාශ කළ පරිදි තමන් ජනාධිපති ධුරයෙන් ඉල්ලා අස්වන බව අග්‍රාමාත්‍ය රනිල් වික්‍රමසිංහ හට ජනාධිපති ගෝඨාභය රාජපක්ෂ දන්වා තිබේ.
අගමැති මාධ්‍ය ඒකකය නිවේදනයක් නිකුත් කරමින් මේ බව කියා සිටියේය.
එළඹෙන දහතුන් වැනිදා ජනාධිපති ධුරයෙන් ඉල්ලා අස්වන බව ජනාධිපති ගෝඨාභය රාජපක්ෂ මීට පෙර කතානායකවරයාට දැනුම් දී තිබිනි.
Facebook Comments
