ශ්‍රී ලංකාවට නව ආණ්ඩුක්‍රම ව්‍යවස්ථාවක් සකස් කිරීමේදී රටට ගැලපෙන අධ්‍යාපන ක්‍රමවේදයක් එහි අන්තර්ගත කළ යුතු බව විදෙස්ගතව සිටින ජනප්‍රිය සමාජ ජාලා වීඩියෝ නාටක ශිල්පියෙක් පවසයි.
දැනට පවතින ආණ්ඩුක්‍රම ව්‍යවස්ථාව සම්බන්ධයෙන් සම්පුර්ණ දැනුමක් තමන් සතු නොවුවත් දැනට පවතින ආණ්ඩුක්‍රම ව්‍යවස්ථාව රටට නොගැලපෙන බවයි ගප්පියා ලෙසින් ජනාදරයට පත් තරිඳු විජේසේකර පවසන්නේ.
නව ව්‍යවස්ථාවට ඇතුලත් කළ යුතු කරුණු රාශියක් පවතින නමුත් ඒ සියල්ල රඳා පවතින්නේ ශ්‍රී ලංකාවේ වාසය කරන මිනිස්සුන්ගේ අධ්‍යාපනය අනුව බව ඔහු සදහන් කළේ සිලෝන් ජර්නල් හා සමාජ මාධ්‍ය ජාලා ඔස්සේ විශේෂ සාකච්ඡාවකට එක්වෙමිනි.
ලෝකෙන් උතුම් අධ්‍යාපනය
“අධ්‍යාපනය කියලා මං මේ කතා කරන්නේ විශ්ව විද්‍යාල අධ්‍යාපනය, පාසල් අධ්‍යාපනය මේ වගේ එකක් නෙමෙයි, මොකද ඒ වගේ ඒවා ලංකාවේ ඇතුළේ ඉන්න අය හිතන් ඉන්නේ ඒවා සුපිරියටම තියෙනවා හොඳ නිදහස් අධ්‍යාපනය අරවා මේවා, ලංකාවේ තරම් සුපිරි අධ්‍යාපනයක් කොහෙවත් නැහැ කියලා.”
“අධ්‍යාපනය කියන එකෙන් මං අදහස් කරන්නේ කටපාඩම් කරලා පොත් වල තියෙන දේවල් කියවලා, විභාගේ ලියලා අවුරුද්දටම සම්පූර්ණයෙන්, එක විභාගයකින් තීරණය කරනවා. ඉතිං ඒ වගේ ඒවාට ඇත්තටම එක්සෑම් එකක් කියලාවත් කියන්න බැහැ,” ඔහු තව දුරටත් එය විස්තර කළේ එලෙසිනි.
ලෝකයට ගැලපෙන රැකියාවක්
ගප්පියා සදහන් කරන පරිදි පාසල් අධ්‍යාපනයේදී 10 වසරේදී පමණ පා‍සලෙන් බැහැරට පැමිණ සෑබෑ ලෝකයට ගැලපෙන රැකියාවක පුහුණු වීම් කළ යුතුයි.
“ඒ එක්කම ඒගොල්ලෝ 6 වසරෙදී ද කොහෙද අපිට දෙනවනේ චොයිසස්. ඒ කියන්නේ චිත්‍ර ඔය වගේ කීපයක්. නැටුම් ද මොනාද කියලා තෝරගන්න පුළුවන්. ඔතන තෝරගන්න ඕන පළවෙනි එක, මම තෝරගත්ත එකෙන් මට විශ්වවිද්‍යාලෙ කොච්චර ලකුණු ගන්න පුළුවන්ද, මේකට ඉස්සරහට රස්සාවල් තියේද, කියන පදනම මත තමයි තෝරගන්නේ. ඉතිං, ඒ වගේ මයින්ඩ් සෙට් එකකින් ළමයෙක් මුල ඉඳන් බලද්දිත් කොහොමත් ළමයා ෆේල්. ඒ වගේ උන් ‘එන්ඩ් අප් ඩුයින්’ මොකක්හරි රස්සාවක්. ඒ කියන්නේ සල්ලි හම්බවෙයි කියලා.”
රැකියාවක් සිදු කළ පමණින් සල්ලි වලින් මිනිස්සුන්ට තෘප්තිය නොලැබෙන අතර එය පැහැදිලි කරුණක් බව මෙන්ම එය පළමුව තේරුම්ගත යුතු බවයි තරිඳු විජේසේකර පවසන්නේ.
“ඉතිං ඒ වගේ සබ්ජෙක්ට්ස් තෝරගන්න කොට තෝරගන්න ළමයට පහසුකමට වඩා අන්ඩර්ස්ටෑන්ඩින් එක දෙන්න ඕන සිස්ටම් එකේ මට ගැළපෙන්නේ ඒක. ඉස්සරහට සල්ලි හම්බ කරන පරමාර්ථය නෙවෙයි. මට ගැළපෙන කියන්නේ මට චිත්‍ර අඳින්න පුළුවන් කියලා මම චිත්‍ර තෝරගන්නවා. චිත්‍ර තෝරගන්නකොට ඒ ළමයට අදහස දෙන්න ඕන ඔයා මේකට ආසද, ඔයා මේකෙන් තෘප්තියක් ලැබෙනවද, කියන පදනමින් තමයි මිනිස්සු තමන් කරන්න ඕන දේවල් ටික තෝරගන්න ඕන. නැතුව මේකේ ජොබ් තියෙනවද කියලා.”
‘මයි ලයිෆ් ඉස් කම්ප්ලීට්’
“දැනට රටේ පවතින අධ්‍යාපන ක්‍රමය සම්පූර්ණයෙන්ම වැරදියි. එතකොට අධ්‍යාපන ක්‍රමය සම්පූර්ණයෙන් වෙනස්විය යුතුයි. කන්ෆිඩන්ස් කියන එක දෙන්න ඕන. අධ්‍යාපන ක්‍රමය තුළින්. අරයට වඩා මං කොහොමද එක වෙන්නේ. එහෙම වුණොත් හරියන්නේ නැහැ. මගේ පර්පස් එක මොකක්ද ?. අන්න ඒවා හොයාගන්න මිනිහට අධ්‍යාපන ක්‍රමයෙන් දෙන්න ඕන. ඉතිං ඒ හින්දා හිත පිළිබද දැඩි ප්‍රෝගෑම් එකක් තියෙන්න ඕන. පොසිටිවිටි එක තියාගන්නේ මොනදේ වුණත්. කන්ට්‍රෝල් කරගන්න පුළුවන්. යූ කැන් චේන්ජ් හව් යූ රියැක්ටු ඉට්. ඔය වගේ දේවල් ව්‍යවස්ථාවට ඇතුළත් විය යුතුයි.”
“ජීවත්වෙන ක්‍රමේ. ඒක වියදම් කරලා ඒකෙන් සතුටක් ලබනවා. කාර් එකක් ගන්නවා. ආ දැන් මගේ ජීවිතේ මරු. බල්ලෙක් ගන්නවා. මගේ ජීවිතේ හොදයි. ගෙයක් ගන්නවා හැමෝටම පේන්න ෆොටෝස් ටිකක් දැම්මම පේන්නේ ‘මයි ලයිෆ් ඉස් කම්ප්ලීට්’. ඔයා එවෙලේට විතරයි. ඊට පස්සේ කිසිදෙයක් ගැන, පාරේ මොකක්හරි දෙයක් වුණොත් බනින, මිනිස්සුන්ට ගහන පුද්ගලයකු බවට පත්වෙලා. අසහනයෙන් පෙළෙන පුද්ගලයකු බවට පත්වෙලා. ඉස් දැට් වට් වී වෝන්ට්. අපි ඒක වෙනස්විය යුතුයි”
“ඒක වෙනස් කරන්නේ තමන් කරපු දේවල් වලින්, චොයිසස් වලින්. කාම් මිනිහෙක් ඇතිවෙනවා. එතකොට අපිට තියෙන මූල්‍ය ප්‍රශ්න නැතිවෙනවා. ෆික්ස්ඩ්. ඔන්න ඕකයි ව්‍යවස්ථාව” ගප්පියා වැඩි දුරටත් සිලෝන් ජර්නල්ස් හා කියා සිටියේය.
Facebook Comments
