වවුනියාව අධිකරණයේ විභාග වෙමින් පැවති දෙමළ දේශපාලන සිරකරුවන්ගේ නඩු අනුරාධපුරයට මාරු කිරීමට විරෝධය දක්වා යාපනයේ සහ වවුනියාවේ උද්ඝෝෂණ පවත්වා තිබේ.
මාරාන්තික උපවාසයක යෙදී සිටින දෙමළ දේශපාලන සිරකරුවන් තිදෙනකු ගේ නඩු වව්නියාවට යවන ලෙස රජයට බල කරමින් විරෝධතාවය සංවිධානය කල බවයි දේශපාලන සිරකරුවන් නිදහස් කරගැනීමේ ජාතික ව්‍යාපාරය පවසන්නේ.
උපවාසයේ යෙදී සිටියදී සෞඛ්‍ය තත්වය බරපතල ලෙස පිරිහීම නිසා මදියරසන් සුලක්ෂන්, ගනේෂන් දර්ශන් සහ රාසදුරෙයි තිරුවරුල් යන තිදෙනා මේ වනවිට අනුරාධපුර මහ රෝහලට යවා සිටින බව දේශපාලන සිරකරුවන් නිදහස් කරගැනීමේ ජාතික ව්‍යාපාරයේ සුන්දරම් මහේන්ද්‍රන් සිලෝන් ජර්නල්ස් වෙත කියා සිටියේය.
කෙසේ වෙතත්, නඩු විභාගය වවුනියාව අධිකරණයේ පවත්වන ලෙසට කල ඉල්ලීම ඉටු කිරීම රජය විසින් ප්‍රතික්ෂේප කර තිබේ.
ජාතික ආරක්ෂාවට හානිකර හෙයින් සිරකාර ඉල්ලීම ඉටු කළ නොහැකි බව නීතිපතිවරයා දෙමළ ජාතික සන්ධාන මන්ත්‍රී එම් ඒ සුමන්දිරන් හා පවසා ඇති අතර නීතිපතිවරයාගේ හේතු දැක්වීම කිසිසේත් යුක්ති සහගත නොවන බවයි සුමන්දිරන් මන්ත්‍රීවරයා පවසන්නේ.
Facebook Comments
