පාර්ලිමේන්තු ගැටුමෙන් දෙපිරිසටම හානි

0
Ivory Agency Sri Lanka
wedding people

බැඳුම්කර වාර්තාව පිළිබඳව විවාද කිරීම සඳහා පැවති පාර්ලිමේන්තුවේ විශේෂ සභාවාරය අවස්ථාවේ අග්‍රාමාත්‍යවරයා විශේෂ ප්‍රකාශයක් නිකුත් කිරීමට එරෙහිව ඒකාබද්ධ විපක්ෂයේ මන්ත්‍රීවරුන් බරපතල විරෝධයක් එල්ල කළේය.

ඒකාබද්ධ විපක්ෂයේ මන්ත්‍රීවරුන් විරෝධතා පුවරු රැගෙන පාර්ලිමේන්තු සභා ගැබ මැදට පැමිණ විරෝධතාවයේ යෙදීමත් සමඟ ආණ්ඩු පක්ෂයේ හා විපක්ෂය අතර ගැටුමක් ඇති විය.

බැඳුම්කර කොමිසම් වාර්තාව ඇතුලු පසුගිය රජයේ දුෂණ වාර්තා පිළිබඳව ජනාධිපති කොමිසම් වාර්තා පාර්ලිමේන්තුවට ඉදිරිපත්කරන ලෙස පක්ෂ නායකයන් ජනාධිපති මෛත්‍රිපාල සිරිසේනගෙන් ඉල්ලු නමුත් පාර්ලිමේන්තුව වෙත එම වාර්තා එවා නොතිබිණි.

ලබන 17 වෙනිදා මෙම වාර්තා පාර්ලිමේන්තුවට ලබාදෙන බව ජනාධිපති ලේකම්වරයා කතානායකවරයාට දැනුම්දී තිබුනේ නීතිපතිවරයාගෙන් ලබාගත් උපදෙස් අනුවය.

මේ අතර අගමැතිවරයා කතා කරමින් සිටියදී ඔහු දෙසට යම් දෙයක් දමා ගැසීමට එකාබද්ධ විපක්ෂයේ මන්ත්‍රීවරයෙක් කටයුතු කිරීමත් සමග ආණ්ඩුවේ එක්සත් ජාතික පක්ෂ මන්ත්‍රීවරුන් හා ඒකාබද්ධ කණ්ඩායම අතර ගැටුම ඇතිවිය.

එම ගැටුම අතරතුර එක්සත් ජාතික පක්ෂ මන්ත්‍රී කාවිංග ජයවර්ධන ක්ලාන්තය ඇතිවීම හේතුවෙන් මන්ත්‍රීවරුන් ඔහුව සබාගැබෙන් පිටතට රැගෙන යන ලදී.

සිදුවීමෙන් සුලූ තුවාල ලද ඒකාබද්ද විපක්‍ෂයේ පාර්ලිමේන්තු මන්ත්‍රී රංජිත් සොයිසා හට පාර්ලිමේන්තු සංකීර්ණයේදීම ප්‍රතිකාර කල බව මාධ්‍ය වාර්තා කර තිබුණි.

අගමැතිවරයාගේ ප්‍රකාශයෙන අනතුරව සබාව ජනවාරි මස 23 වෙනිදා දක්වා කල්තැබීමට කතානායකවරයා කටයුතු කළේය.

Facebook Comments