ගෝඨාභය පාලනයේ තුන් මාසයක් තුල “රට භයානක දිසාවකට”

0
553
Ivory Agency Sri Lanka
wedding people
Loading...

ගෝඨාභය රාජපක්ෂ ප්‍රමුඛ නව ආණ්ඩුව පත්ව ගතවු මාස 3ක කාලය තුල රට භයානක දිසාවකට ගමන් කරමින් තිබෙන බවට එකසත් ජාතික පක්ෂයේ ප්‍රබල මන්ත්‍රීවරයෙක් අනතුරු අඟවා තිබේ.

ආර්ථික වශයෙන් මෙන්ම ජාතීන් අතර ඇති කරගත් සමගියද බිඳ වැටී රට ඒකාධිපතිත්වයකට ගමන් කරමින් සිටන බවයි මංගල සමරවීර මන්ත්‍රීවරයා 20 බ්‍රහස්පතින්දා පාර්ලිමේන්තුවේදී පෙන්වා දී ඇත්තේ.

“මේ රට යන දිහාව ඉතාමත්ය භයානකයි. මේ මාස තුනේදී ආපස්සට අදින ක්‍රියාවලිය ඉතාමත්ම භයානකයි. ආර්ථිකය කඩාගෙන වැටෙනවා අපි ජාත්‍යන්තරව හුදකලා වෙනවා. අනිත් පැත්තෙන් මේ රටේ ජාතීන් අතර අපි බොහෝම අමාරුවෙන් ඇති කර ගත්ත සමගිය ක්‍රමානුකූලව බිඳ හෙලලා අර ආරක්ෂක අමාත්‍යංශයේ ඉන්න මනස විකෘති වුන අය දැන් මේ රට ඒකාධිපති දිශාවකට ගෙන යන්න හදනවා. ඊට විරුද්ධව අපි සියලු දෙනා එකට ඒකරාශි වෙන්න ඕනේ.”

වත්මන් රජය ජිනිවා යෝජනාවලින් ඉවත් වු පසුව එම යෝජනා මත පාර්ලිමේන්තුවේද අනුමැතිය සහිතව පිහිටුවන ලද අතුරුදහන් වුවන් පිළිබඳ කාර්යාල ඇතුළු යාන්ත්‍රණයට සිදුවන්නේ කුමක් දැයි මංගල සමරවීර මන්ත්‍රීවරයා වැඩි දුරටත් ප්‍රශ්න කළේය.

Facebook Comments

Loading...