රටවල් කිහිපයක් පෞරාණික වටිනාකමක් ඇති තැපැල් කාර්යාල තුළ හෝටල් පවත්වාගෙන යන අතර ඒ හරහා විදේශ විනිමය උපයා ගන්නා බව සම කැබිනට් මාධ්‍ය ප්‍රකාශක පවසයි.
ඒ අනුව ශ්‍රී ලංකාවේද එවැනි පෞරාණික වටිනකමක් තිබෙන තැපැල් කාර්යාලවල සංචාරක හෝටල් පවත්වාගෙන යන අතර නුවරඑළිය බ්‍රිතාන්‍ය ගෘහ නිර්මාණ ශිල්පය මනාව පිළිඹිබු වීම නිසා සංචාරකයන්ගේ අවධානයට ලක් වූ ස්ථානයක් වී තිබෙන බවයි අමාත්‍යවරයා රාජිත සේනාරත්න සදහන් කළේ.
රජයේ ප්‍රවෘත්ති දෙපාර්තමේන්තුවේ 14 බදාදා පැවැති කැබිනට් තීරණ දැනුම් දීමේ මාධ්‍ය හමුවේදී ,මේ වන විට රටපුරා තැපැල් වර්ජනයක් ක්‍රියාත්මක වීම සම්බන්ධයෙන් මාධ්‍යවේදියෙකු ඇසූ පැනයකට පිළිතුරු දෙමින් ඇමතිවරයා මේ බව පැවසුහ.
ගාල්ල කොටුව තැපැල් කාර්යාලය 18 වන සියවසේ ෆෙඩ්රික් නෝත් ආණ්ඩුකාරවරයා මුලින්ම ඉදි කළ තැපැල් කාර්යාවලින් එකක් වන අතර මහනුවර ද සංරක්ෂණය කළ යුතු පෞරාණික වටිනාකමකින් යුත් ගොඩනැගිල්ලක් බව ද අමාත්‍ය රාජිත සේනාරත්න පෙන්වා දෙයි.
මෙම ගොඩනැගිලිවල පෞරාණික වටිනාකම ආරක්ෂා කරමින් සංචාරක හෝටල් සඳහා යොදා ගනිමින් රටට විදේශ විනිමය ලබා ගැනීමට හැකි බවයි රජයේ මතය වී ඇත්තේ.
අමාත්‍යවරයා පවසන පරිදි වොෂින්ටන් නගරයේ ට්‍රාම්ප් ඉන්ටර්නැෂනල් හෝටලය 1899 ඉදිකළ තැපැල් කාර්යාලයක් වන අතර සිංගප්පූරුවේ ද ෆුලර්ටන් හෝටලය 1826 ඉදිකළ තැපැල් කාර්යාලයකි.
එමෙන්ම ජර්මනියේ සොෆිටෙල් මියුනිව් 1964 ඉදිකළ තැපැල් කාර්යාලක් වන අතර ඇස්ටෝනියාවේ ද හොටෙල් ටෙලිග්‍රාෆ්, නවසීලන්තයේ ද ඩිස්ටෙන්වන් ඩියුඩේනින්. ස්වීඩනයේ කෑල්රියන් පෝස්ට් යන හෝටල් ද තැපැල් කාර්යාල පිහිටා තිබූ ස්ථාන බව ඔහු වැඩිදුරටත් සදහන් කරයි.
මහනුවර, නුවරඑළිය සහ ගාල්ල කොටුව තුළ පිහිටි තැපැල් දෙපාර්තමේන්තුවට අයත් ඓතිහාසික හා පුරාවිද්‍යාත්මක වටිනාකමක් ඇති තැපැල් කාර්යාල සංචාරක හෝටල් ආරම්භ කිරීම සඳහා ආයෝජකයන්ට විකිණීමට රජයේ තීරණය කර ඇති බව පවසමින් එයට විරෝධය දක්වා රට පුරා පිහිටි සියලු තැපැල් කාර්යාල 13 අඟහරුවාදා සහ 14 බදාදා දින දෙකක වැඩ වර්ජනයක නිරත සිටී.
Facebook Comments
