ශ්‍රී ලංකා ගුවන් සමාගමේ සභාපතිවරයා ඇතුළු අධ්‍යක්ෂක මණ්ඩලය ලබන සතියේ පැවැත්වෙන කැබිනට් මණ්ඩල රැස්වීමට කැඳවීමට ජනාධිපති මෛත්‍රීපාල සිරිසේන තීරණය කර තිබේ.
ජනාධිපතිවරයාගේ ප්‍රධානත්වයෙන් 13 අඟහරුවාදා පැවති කැබිනට් හමුවේදී මෙම තීරණයට එළඹි බවයි වාර්තා වන්නේ.
ශ්‍රී ලංකා ගුවන් සමාගමේ පාඩු අවම කර නොගැනීම, ගුවන් සමාගමේ පාලනය පැවරීමට අයෝජකයෙකු සොයා ගැනීමට අසමත් වීම සහ අවිධිමත් ලෙස සේවකයන් බඳවා ගැනීම සම්බන්ධව ප්‍රශ්න කිරීමටයි සභාපතිවරයා ඇතුළු පිරිස මෙසේ කැබිනට් මණ්ඩලය හමුවට කැඳවා ඇත්තේ.
විෂය බාර ඇමතිවරයාගේ අනුදැනුමකින් තොරව පසුගිය වසර දෙක හමාරක කාලය තුළ සේවකයන් 1200 පමණ ගුවන් සමාගමට බඳවා ගෙන ඇති බව ඇමතිවරුන් කිහිප දෙනෙකුම කැබිනට් හමුවේදී පෙන්වා දී තිබේ.
ශ්‍රී ලංකා ගුවන් සමාගම 2017 වසරේ ගත වු මාස හයක කාලය තුල රුපියල් කෝටි 2200 පාඩුවක් ලබා ඇති බවද එහිදි ඇමතිවරුන් ජනාධිපතිවරයාගේ අවධානයට යොමු කර ඇත.
Facebook Comments
