මුදල් අමාත්‍ය මංගල සමරවීර විසින් 2018 වසර සඳහා යෝජනා කරන ලද අයවැය මැතිවරණ ඉලක්ක කර ගනිමින් සහන ලබා දෙන අයවැයක් නොව රටේ ඉදිරි ගමන සඳහා ගෙන එන ලද අයවැය යෝජනාවලියක් බව යාපනය විශ්ව විද්‍යාලයේ ජේෂ්ඨ කථිකාචාර්යවරයෙකු පෙන්වා දෙයි.
“නීල හරිත” සංකල්පය මහත් සේ පැසසුමට ලක් කරන යාපනය විශ්ව විද්‍යාලයේ ආර්ථික විද්‍යා අංශයේ ජේෂ්ඨ කථිකාචාර්ය සින්නතුරෛයි විජයකුමාර් මින් පෙර කිසිඳු රජයක් මෙම සංකල්පය ඉදිරිපත් නොකල බව ද කියා සිටියේය.
“ලංකාවේ නිදහසින් පසු මුහුදු සම්පත හා එම සම්පත් භාවිතා කරමින් පරිසරයට ප්‍රමුඛත්වය ලබා දුන්න අයවැයක්” යි 2018 අයවැය සම්බන්ධව කල විමසීමකදී ජේෂ්ඨ කථිකාචාර්යා සඳහන් කළේය.
පොලිතින්, ප්ලාස්ටික් අවම කිරීමට ගත් පියවර සහ විදුලි වාහන සඳහා වැඩි අවධානයක් යොමු කරමින් පරිසර හිතකාමී ලෙස අයවැය යෝජනා ඉදිරිපත් කිරීමට ගත් පියවර ජේෂ්ඨ කථිකාචාර්ය සින්නතුරෛයි විජයකුමාර් ඇගයීමට ලක් කර සිටී.
සැක සහිතයි
මංගල සමරවීර අමාත්‍යවරයා විසින් ඉදිරිපත් කරන ලද යෝජනා ක්‍රීයාත්මක වේ දැයි සැක සහිත බව කී ජේෂ්ඨ කථිකාචාර්යවරයා එයට උදාහරණ ලෙස රජයේ ආයතනයන් හි සැලසුම් දියත් කිරිමේ අකාර්යක්ශමතාවය පෙන්වා දුනි.
අධ්‍යාපනය සහ සෞඛ්‍ය සම්බන්ධව ඉදිරිපත් වී ඇති යෝජනා කලෝචිත බව පවසන ජේෂ්ඨ කථිකාචාර්ය සින්නතුරෛයි විජයකුමාර් අධ්‍යාපන ක්‍රමයේ ගුණාත්මක භාවය ආරක්ෂා කිරීමට පියවර ගන්නා ලෙසට ද ඉල්ලා සිටියේය.
උතුරු නැගෙනහිර හිටපු කොටි සමාජිකයන් පිළිබඳව අවධානය යොමු කිරීම නිවාස ව්‍යපෘති සහ කාර්මාන්ත ඉදිකිරිමේ යෝජනා පැසසුමට ලක් කරන යාපනය විශ්ව විද්‍යාලයේ ආර්ථික විද්‍යා අංශයේ ජේෂ්ඨ කථිකාචාර්ය සින්නතුරෛයි විජයකුමාර් යුද්ධයෙන් බැට කෑ ප්‍රදේශ සංවර්ධනය කෙරෙහි වැඩි අවධානයක් යොමු කර නොමැති බවට ද චෝදනා කළේය.
Facebook Comments
