විපක්ෂයේ මානුෂිය මෙහෙයුමට බාධා කරන බවට ආණ්ඩුවට චෝදනා (VIDEO)

0

කොරෝනා ව්‍යෘප්තිය පාලනය කිරිම සඳහා ගෙන ඇති ක්‍රියා මාර්ග නිසාවෙන් පීඩාවට පත්ව සිටින ජනතාවට සහන සැලසීමට ක්‍රියාවට නංවා ඇති මානුෂිය මෙහෙයුමට ආණ්ඩුව බාධා පමුණුවා ඇතැයි විපක්ෂය චෝදනා කර තිබේ.

හිටපු මන්ත්‍රී රන්ජන් රාමනායක අත් අඩංගුවට ගැනීම තුළින් රජය සෘජුවම බාධා කිරීම පැහැදිලිව පෙනෙන බවයි සමගි බලවේගය නිවේදනය කරන්නේ.

“ජනතාවට අවශ්‍යය අත්‍යවශ්‍ය සේවාවන් නිසි ලෙස ක්‍රියාත්මක කිරීමට අපොහොසත් වී ඇති රජය, උත්සාහ දරනුයේ තම නොහැකියාව විපක්ෂයේ මන්ත්‍රීවරුන්ගේ ක්‍රියාකාරීත්වය තුළ හෙළිදරව් වීම වළක්වා ගැනීමට යි. පාර්ලිමේන්තුව විසුරුවා හැරියද විසුරුවා හරින ලද පාර්ලිමේන්තුවේ නිල කාලය අගෝස්තු මස තෙක් ක්‍රියාත්මක කිරීමට හැකියාව තිබුණි. බලය ලබා ගැනීමේ පටු චේතනාවෙන් පාර්ලිමේන්තුව විසුරුවා හැර කොරෝනා වෛරසයද තම දේශපාලනය සඳහා යොදාගන්නා ආණ්ඩුව ජනතාවගේ දුක නොහඳුනන බව ජනතාවට උපකාර කරන මන්ත්‍රීවරුන්ට කරනු ලබන මෙවැනි ක්‍රියාමාර්ග තුළින් පැහැදිලි වේ.”

පොලිස් නිලධාරීන්ගේ රාජකාරියට බාධා කළා යයි චෝදනා කරමින් මිරිහාන පොලිස් ස්ථානයේ නිලධාරීන් පිරිසක් විසින් රන්ජන් රාමනායක හිටපු මන්ත්‍රීවරයාව 13 සඳුදා අත්අඩංගුවට ගත් අතර අනතුරුව ගංගොඩවිල මහේස්ත්‍රාත් අධිකරණය වෙත ඉදිරිපත් කිරීමෙන් පසු අප්‍රේල් 20 වෙනිදා දක්වා රක්ෂිත බන්ධනාගාර ගත කරනු ලැබිය.

ආණ්ඩුව ජනතාවට බෙදා දීමට ලබා දුන් ආහාරපාන නිවෙස් තුළ තුළ සඟවාගත් පොදු ජන පෙරමුණ ප්‍රාදේශීය සභා මන්ත්‍රීවරුන් පිළිබඳව කිසිඳු ක්‍රයා මාර්ගයක් නොගත් ආණ්ඩුව විපක්ෂයේ මන්ත්‍රීවරුන් ගේ කාර්යයන් වලට අකුල් හෙලමින් මර්දනයක් දියත් කිරීම දැඩි පිළිකුලෙන් යුතුව හෙලා දකින බවයි සමගි ජන බලවේගයේ මහ ලේකම් රන්ජිත් මද්දුමබණ්ඩාරගේ අත්සනින් නිකුත් කරන ලද නිවේදනයෙන් චෝදනා කර ඇත.

ආණ්ඩුව කළ යුත්තේ මන්ත්‍රීවරුන් සිරභාරයට ගැනීම නොව ජනතාව වෙනුවෙන් මෙම සේවාවන් ඉටුකරන මන්ත්‍රීවරුන්ට අවශ්‍ය සහාය ලබා දීම බව පෙන්වා දෙන සමගි ජන බලවේගය එහෙත් රජය විසින් සිදු කරනුයේ තමන්ගේ පක්ෂයේ මන්ත්‍රීවරුන්ට ඇමතිවරුන්ට එළවළු බෙදාහැරීම දක්වා වූ සියලු කටයුතුවල අවස්ථාවන් සලසා දෙමින් ඒ තුළින් ඉදිරි මැතිවරණයට අවශ්‍යය මුදල් හරි හම්බ කර ගැනීමට අවකාශය සලසා දීම බවයි පවසන්නේ.

අපකීර්තිමත් ඉතිහාසය

ජාතික ව්‍යසන, අර්බුද, ගැටලු දේශපාලනීකරය කරමින් ඒ තුළින් පටු අභිමතාර්ථ ඉටු කර ගැනීම පිළිබඳව ආණ්ඩුවට ඇත්තේ අපකීර්තිමත් ඉතිහාසයක් බව සිහිපත් කර දෙන සමගි ජන බලවේගය ආණ්ඩුව සිදු කරන දේශපාලන ක්‍රියාදාමයන් නිවැරදිව වටහාගන්නා මෙන් ජනතාවගෙන් ඉල්ලා සිටී.

රංජන් රාමනායක මන්ත්‍රීවරයාට, පාලිත තෙවරප්පෙරුම මන්ත්‍රීවරයාට හෝ විපක්ෂයේ මන්ත්‍රීවරුන්ට හෝ පොදු ජනතාවට සහන සලසන ඕනෑම කෙනෙකුට ආණ්ඩුව ලබාදිය යුත්තේ සහය මිස දෑතට විලංගු දැමීම නොවන බවත් වහාම අසත්‍ය චෝදනා නොකොට රංජන් රාමනායක මන්ත්‍රීවරයා නිදහස් කරන ලෙසත් සමගිය බලවේගය රජයෙන් ඉල්ලා ඇත.

රජය විසින් පාර්ලිමේන්තුව යලි රැස් කරන ලෙස ලෙස කරනු ලබන ඉල්ලීමට ප්‍රතිචාර නොදක්වනුයේ ඔවුන්ගේ සදාචාර සම්පන්න නොවන ක්‍රියාදාමය නිසා බවටයි සමගි ජන බලවේගය වැඩි දුරටත් චෝදනා කරන්නේ.

Facebook Comments

wedding people