අත්අඩංගුවට ගැණුනු ජ්‍යෙෂ්ඨ නියෝජ්‍ය පොලිස්පති ලලිත් ජයසිංහ සම්බන්ධයෙන් සාකච්ඡා කිරීම සඳහා ජාතික පොලිස් කොමිසමේ විශේෂ රැස්වීමක් කොළඹ දී දැන් පැවැත්වෙන බව වාර්තාවේ.
ශිවයෝගනාදන් විද්‍යා දැරිය දූෂණය කර මරා දැමීමේ සිද්ධිය සම්බන්ධයෙන් අත්අඩංගුවට ගැණුනු ප‍්‍රධාන සැකකරු මුදා හැරීම සම්බන්ධයෙන් ජ්‍යෙෂ්ඨ නියෝජ්‍ය පොලිස්පති ලලිත් ජයසිංහ අත්අඩංගුවට ගත් ඔහු මේ වන විට රක්ෂිත බන්ධනාගාර ගත කර සිටියි.
ජ්‍යෙෂ්ඨ නියෝජ්‍ය පොලිස්පති ලලිත් ජයසිංහ විසින් රාජකාරි ආවරණය කළ මධ්‍යම සහ ඌව යන පළාත් සඳහා වැඩබලන නියෝජ්‍ය පොලිස්පතිවරුන් පත්කර ඇත.
මධ්‍යම පළාත සඳහා පත්කර ඇත්තේ වයඹ සහ උතුරුමැද යන පළාත්වල ජ්‍යෙෂ්ඨ නියෝජ්‍ය පොලිස්පතිවරයා ලෙස කටයුතු කරන ජගත් අබේසිරි ගුණවර්ධන වන අතර ඌව පළාතේ වැඩ බලන නියෝජ්‍ය පොලිස්පතිවරයා ලෙස පත්කර ඇත්තේ දැනට දකුණ සහ සබරගමු යන පළාත්වල නියෝජ්‍ය පොලිස්පතිවරයා ලෙස කටයුතු කරන ෆ‍්‍රෑන්ක් ප‍්‍රනාන්දුයි.
Facebook Comments
