මහින්ද රාජපක්ෂ අගමැති ලෙස කටයුතු කරන ආණ්ඩුව ඉවත් කිරීමට පාර්ලිමේන්තුව විශ්වාස භංගයකින් තීන්දු කරන ලද බවට කතානායකවරයා කළ දැනුම් දීම ජනාධිපතිවරයා විසින් දැඩි ස්වරයෙන් යුතුව ප්‍රතික්ෂේප කර තිබෙන නිසාවෙන් විශ්වාස භංගයට සහාය දුන් පක්ෂ නායකයින්ට ජනපති කර තිබු ආරාධනාව ප්‍රතික්ෂේප කර තිබේ.
ජනාධිපති ලේකම් කාර්යාලයේ 15 වනදා උදෑසන 8.30ට පැවැත්වීඹට තිබු පක්ෂ නායකයින්ගේ රැස්වීමට සහභාගී නොවන බව පර්ලිමේන්තු මන්ත්‍රී රාජිත සේනාරත්න පවසයි.
ජනාධිපතිවරයා විසින් 14 බදාදා පාර්ලිමෙන්තුවේදී ගත් තීරණයන්ට එරෙහිව යමින් කතානායකවරයාට යවන ලද ලිපියට විරෝධය පළ කිරිමක් ලෙස මෙම හමුව වර්ජනය කිරීමට තීරණය කරන ලද බවයි මන්ත්‍රීවරයා පෙන්වා දෙන්නේ.
විශ්වාස භංග තීන්දුව ජනපති ප්‍රතික්ෂේප කරයි
විශ්වාස භංගයකින් මහින්ද රාජපක්ෂ අගමැති ලෙස කටයුතු කරන ආණ්ඩුව ඉවත් කිරීමට පාර්ලිමේන්තුව තීන්දු කරන ලද බවට කතානායකවරයා කළ දැනුම් දීම ජනාධිපතිවරයා විසින් ප්‍රතික්ෂේප කර ඇත.
ජනාධිපති මෛත්‍රිපාල සිරිසේන විසින් ලියා ඇති පිළිතුරු ලිපියේ කතානායකවරයා ගත් ක්‍රියාමාර්ගය හඳුන්වා ඇත්තේ අධිකරණය ඉදිරියේ විනිශ්චය කෙරෙන නඩුවකට අගතිදායක වන කටයුත්තක් ලෙසිනි.
විශ්වාස භංගය විමසීමේදී කතානායක කරු ජයසුරිය කටයුතු කර ඇත්තේ ආණ්ඩුක්‍රම ව්‍යවස්ථාව, ස්ථාවර නියෝග සහ පාර්ලිමේන්තු සම්ප්‍රදාය නොසලකා හරිමින් බවට ජනාධිපති මෛත්‍රිපාල සිරිසේන කතානායකට ලිඛිතව දැනුම් දී ඇත.
ජනතා විමුක්ති පෙරමුණේ අනුර කුමාර දිසානායක සහ විජිත හේරත් යන මන්ත්‍රීවරුන් දෙදෙනාගේ යෝජනා ස්ථිරත්වයෙන් ඉදිරිපත් කරන ලද විශ්වාස භංගය බහුතරයෙන් සම්මත වූ බව කතානායක විසින් ජනාධිපති වරයා ට දැනුම් දී තිබුනි.
එය තහවුරු කිරීම සඳහා යවා තිබුනු අත්සන් ලේඛනය ජනාධිපතිවරයා විසින් ප්‍රතික්ෂේප කොට ඇත්තේ ව්‍යාජ ලේඛනයක් ලෙසිනි.
“ඔබතුමා එවා ඇති මන්ත්‍රී අත්සන් ලේඛනයේ මුල් පිටපතෙහි පරණ දිනයක් මකා ඒ උඩ නොවැම්බර් මස 14 දිනය ලෙස යොදා ඇත,” යි ජනාධිපති මෛත්‍රිපාල සිරිසේන විසින් කතානායක වරයා වෙත ලියන ලද ලිපියේ කියා තිබේ.
Facebook Comments
