පූජ්‍ය මාදුළුවාවේ සෝභිත හිමිගේ අපවත්වීමට අදාළව නැවත පශ්චාත් මරණ පරීක්ෂණයක් හෝ හදිසි මරණ පරීක්ෂණයක් පැවැත්වීමට අවශ්‍ය නොවන බව මේ පිළිබද සොයා බැලීමට පත් කළ විශේෂඥ වෛද්‍ය කණ්ඩායමක් විසින් කොළඹ ප්‍රධාන මහේස්ත්‍රාත් අධිකරණය හමුවේ ප්‍රකාශ කර ඇත.
පූජ්‍ය උඩුවේ ධම්මාලෝක හිමියන් කළ පැමිණිල්ලකට අනුව මෙම පරීක්ෂණය පැවැත්වීමට කොළඹ ප්‍රධාන මහේස්ත්‍රාත් ගිහාන් පිලපිටිය විසින් කමිටුවක් පත් කර තිබුණි.
අදාළ කමිටු වාර්තාව අද(07) අධිකරණයට ඉදිරිපත් කරමින් එම කමිටුව අධිකරණයට මේ බව පැවසීය.
සෝභිත හිමියන්ට කළ වෛද්‍ය ප්‍රතිකාරවල දත්ත අස්ථානගතවීමක් හෝ වෛද්‍යවරුන් අතින් අතපසුවීම් හෝ සිදුවී නොමැති බවට සියලු වෛද්‍ය වාර්තා විශ්ලේෂණය කිරීමෙන් පසු කමිටුව අධිකරණයට කරුණු දක්වා ඇත.
Facebook Comments
