මීට සත් වසරකට ඉහත දී අධි ආරක්ෂිත ප්රදේශයකදී මරා දමන ලද සන්ඩේ ලීඩර් පුවත් පතේ හිටපු කතෘ ලසන්ත වික්රමතුංගගේ දේහය අද (27) ගොඩ ගැණුනා.
රහස් පොලිසිය විසින් කරන ලද ඉල්ලීමකට අනුවයි ලසන්තගේ දේහය ගොඩ ගනු ලැබුවේ.
කොළඹ අලුත්කඩේ අංක 02 මහේස්ත්රාත් අධිකරණයේ මොහමඩ් මිහාල් මහතාගේ ප්රධානත්වයෙන් මළසිරුර ගොඩගැනීම සිදුවු බවයි නිතිඥ අතුල එස් රණගල මාධ්ය වෙත ප්රකශ කර සිටියේ.
ලසන්ත වික්රමතුංග හට වෙඩ් තැබීම සිදුවු අවස්ථාවේදී ශල්යකර්මය කල වෛද්යවරයා හා මරණ පරීක්ෂණයේ සහ රස පරීක්ෂක වාර්තාවේ මරණයට හේතුව ලෙස සඳහන් කර ඇති කරුණු වල පරස්පරතාව හේතුවෙන් මෙසේ දේහය ගොඩ ගත් බවයි ඔහු පවසා සිටියේ.
මාධ්යට වාරණයක්
දේහය වළ දමා තිබු බොරැල්ල කනත්ත අවට ආරක්ෂාව තර කර තිබු අතර දේහය ගොඩගැනීම මාධ්යයට වාරණ කර තිබුණි.
ලසන්ත වික්රමතුංගගේ පවුලේ උදවියගේ ඉල්ලීමකට අනුව එම අවස්ථාව ආවරණය කිරීමට ඉඩ ලබා නොදුන් බවයි නිතීඥ රණගල රැස්ව සිටි මාධ්යවේදීන් වෙත පවසා ඇත්තේ.
මේ අතර එක්තරා රූපවාහිනි නාළිකාවක් ඩ්රෝන් යානායන් ආධාරයෙන් ගුවනේ සිට මෙම දර්ශන ලබා ගැනීමට උත්සාහ කළ අතර ඩ්රෝන් යානාය සොයා ගැනීමටද පොලීසියට නොහැකි විය.
කෙසේ වෙතත් දේහයේ කොටස් රැගෙන යාමෙන් අනතුරුව දේහය තැන්පත් කර තිබු ස්ථානයට ඇතුල්වීමට මාධ්යයට අවස්ථාව ලබා දී ඇත.