කෝපායි පොලිසියේ වැඩ බලන ස්ථානාධිපතිවරයාගෙන් පහර කෑ මාධ්‍යවේදීයෙකු යාපනය ශික්ෂණ රෝහලට ඇතුලත් කර තිබේ.
ඩෑන් රූපවාහිනියේ මාධ්‍යවේදී නඩරාජා කුහරාජා පවසන පරිදි යාපනයේ කොකුවිල් හි නිවසක් ඇතුළු වාහන කිහිපයක් ගිනිතැබීම වාර්තා කිරීමට බාධා කරමින් ඔහුට පහරදී ඇත.
සිද්ධිය සම්බන්ධයෙන් උතුරු පළාත බාර නියෝජ්‍ය පොලිස්පති රොෂාන් ප්‍රනාන්දුගේ ප්‍රධානත්වයෙන් පරීක්ෂණයක් ආරම්භ කර ඇති බව පොලිසිය කියා සිටී.
උතුරේ මෙන්ම දකුණේද අපරාධවලට හා හිංසනයට ගොදුරු වූ ජනමාධ්‍යවේදීන්ට යුක්තිය ඉටු නොවී පවත්නා පසුබිමක, තවදුරටත් මාධ්‍යවේදින්ට එරෙහිව මර්ධනය ක්‍රියාත්මක වීමක් ලෙසයි සිද්ධිය හෙලා දකිමින් මාධ්‍ය නිවේදනයක් නිකුත් කරන නිදහස් මාධ්‍ය ව්‍යාපරය චෝදනා කරන්නේ.
Facebook Comments
