මහින්දට අගමැති වෙන්න UNP කෙනෙක් උදව් දීලා

0
Ivory Agency Sri Lanka
wedding people

ව්‍යවස්ථා විරෝධී ලෙස මහින්ද රාජපක්ෂ හට අගමැති ධුරය ලබා ගැනීමට එක්සත් ජාතික පක්ෂයේ අයෙකු සහාය වී ඇති බවට හිටපු හමුදාපතිවරයෙකු ප්‍රකාශ කර තිබේ.

ඒ පිළිබඳව ඉදිරියේදී තවත් කරුණු අනාවරණය කරන බවයි පාර්ලිමේන්තු මන්ත්‍රී ෆිල්ඩ් මාර්ෂල් සරත් ෆොන්සේකා පවසන්නේ.

“මේ රටේ ව්‍යවස්ථානුකූල නොවු ක්‍රියාදාමයක් සිද්ධ වුනා පහුගිය මාස තුන ඇතුලත. මම ඉදිරියේදී තවත් කරුණු හෙළි කරනවා. අපේ පක්ෂයෙත් යම් කිසි කෙනෙක් මේ කුමන්ත්‍රණයට සම්බන් වුනා. මට ඒකත් හිතෙනවා.”

“මමත් හමුදාවේ හිටපු හින්දා අපිහැමදේම ඇහින් දැකල නෙමෙයි තීරණ ගන්නේ කරුණු සසඳල සසඳල තමයි තීරණයක් ගන්නේ. එහෙම ක්‍රමයක් අපට උගනවලා තියෙනවා.” යි මන්ත්‍රීවරයා පැවසීය.

එසේ කරුණු සැසඳීමේ දි තමන්ට එසේ සැක මතු වු බව ෆිල්ඩ් මාර්ෂල් සරත් ෆොන්සේකා 19 අඟහරුවාදා බිංගිරියේ පැවති උත්සවයක දී ප්‍රකාශ කළේය.

එක්සත් ජාතික පක්ෂයේ ඉදිරි ජනාධිපතිවරණ අපේක්ෂකත්වය පිළිබඳව ගැටලු විසඳී නොමැති බැවින් ඉදිරියේදී පක්ෂයේ අර්බුද මතු විය හැකි බවට හිටපු හමදාපති, පාර්ලිමේන්තු මන්ත්‍රී ෆිල්ඩ් මාර්ෂල් සරත් ෆොන්සේකා විශ්වාසය පළ කළේය.

Facebook Comments