මන්නාරම සමුහ මිනීවලේ කාල නීර්ණ තීරණය කල් යයි

0

ශ්‍රී ලංකාව තුලින් මෙතෙක් හමුවු විශාලතම සමුහ මීනිවල ලෙස සැලකෙන මන්නාර සමුහ මිනීවලෙන් හමුවූ මිනිස් ඇටසැකිළි සාම්පල වාර්තාව සම්බන්ධයෙන් ස්ථිර තීරණයකට පත්විය නොහැකි බව මන්නාරම දිසාවිනිසුරුවරයා දැනුම් දී තිබේ.

මන්නාරම සමූහ මිනීවලේ කැණීම් කටයුතු බාර විශේෂඥ අධිකරණ වෛද්‍ය නිලධාරී සමින්ද රාජපක්ෂ ඇමරිකාවේ ෆ්ලෝරීඩා රසායනාගාරයෙන් ලැබුණු කාල නීර්ණ වාර්තාව මන්නාරම අධිකරණය වෙත ඉදිරිපත් කළ අවස්ථාවේදීය.

එම වාර්තාවෙහි සෘජු නිල වාර්තාව මෙතෙක් නොලැබීම හේතුවෙන් මෙසේ තීරණය දැනුම් දීම කල් දමන බව 20 බදාදා විනිසුරුවරයා ප්‍රකාශයට පත් කළේය.

මන්නාරම සමූහ මිනිවල සම්බන්ධයෙන් පරීක්ෂණ පවත්වන විශේෂඥ අධිකරණ වෛද්‍ය නිලධාරීන් සමින්ද රාජපක්ෂ ඔහුට ලැබුණ වාර්තාව අධිකරණය වෙත ඉදිරිපත් කොට ඇති නමුත් අදාළ වාර්තාව සම්බන්ධයෙන් පූර්ණ වාර්තාවක් මෙතෙක් අධිකරණය වෙත නොලැබි ඇති බව මහේස්ත්‍රාත්වරයා පැවසීය.

අදාළ කරුණු මත සමූහ මිනිවල සම්බන්ධයෙන් අතුරුදහන්වූවන්ගේ ඥාතීන් මන්නාරම මහේස්ත්‍රාත් අධිකරණයේ ගොනු කළ නඩු විභාගය එළැඹෙන 25 වැනිදා දක්වා කල් දැමීමට මහේස්ත්‍රාත්වරයා නියෝග කරන ලදී.

සමූහ මිනිවළ තුළින් මේ වන විට දින 146 ක් පරීක්ෂණ පවත්වා ඇති අතර, මිනිවළ තුළින් මිනිස් සිරුරු 323 ක අස්ථි කොටස් ‍මතුකර ගැනීමට හැකිවි ඇති අතර, අදාළ සිරුරු තුළින් මිනිස් සිරුරු 314 කට අයත් අස්ථි කොටස් මේ වන විට ගොඩගෙන ඇති අතර, ඒ අතර ළමුන් 28දෙනෙකුට අයත් අස්ථි කොටස්ද පවතින බව මන්නාරම සමූහ මිනිවළ සම්බන්ධයෙන් පරීක්ෂණ පවත්වන විශේෂඥ අධිකරණ වෛද්යො නිළධාරීන් සමින්ද රාජපක්ෂ කියා සිටියේය.

Facebook Comments

wedding people