යුද්ධය අවසනයේ යුධ හමුදාවට භාර දීමෙන් අනතුරුව අතුරුදහන්වුවන් පිළිබඳව සොයා බැලීමට මාසයක් කාලයක් ලබා දෙන මෙන් සෞඛ්‍ය ඇමතිවරයා මාසයකට වැඩි කාලයක් වව්නියාවේ සත්‍යග්‍රහයක යෙදී සිටින වව්නියාවේ ඥාතීන්ගෙන් ඉල්ලා සිටියේය.
මෙම දරුවන් වැඩි පිරිස ඹ්මන්ත මුර පොළේදී යුධ හමුදාවට භාර දී ඇති ඇති අතර සත්‍යග්‍රහයේ යෙදී සිටින එක් මවක් සිය අතුරුදහන් දියණිය ජනාධිපති මෛත්‍රිපාල සිරිසේනගේ ඡන්ද පත්‍රිකාවකට යොදා ගන්නා ලද පින්තූරයක්ද රාජිත සේනාරත්න ඇමතිවරයාට පෙන්වන ලදී.
හමුදාව විසින් දරුවන් භාර ගනු ලැබුවේ භාර දුන් ඥාතීන්ගෙන් අත්සන්ද ලබා ගැනීමෙන් පසුව බවයි සත්‍යග්‍රහයේ යෙදී සිටින අතුරුදහන් වුවන්ගේ ඥාතීන් මෙහිදී ඇමතිවරයාට පවසා ඇත්තේ.
උතුරු පළාත් සෞඛ්‍ය අමාත්‍ය වෛද්‍ය පත්මනාදන් සත්‍යලිංගම් අත තමන් වෙත විස්තර එවන ලෙස කී අමාත්‍යවරයා අතුරුදහන් වුවන් පිළිබඳව ජනාධිපතිවරයා ඇතුළු බලධාරීන් සමඟ සාකච්ඡා කිරීමට කටයුතු කරන බවටද සත්‍යග්‍රහයේ නිරත ඥාතීන්ට පැවසීය.
අතුරුදහන් වුවන් පිළිබඳව සොයා බැලීමට පත් කරන ලද පරණගම ජනාධිපති කොමිසමේ වාර්තාද පරීක්ෂා කර බලා මාසයක් ඇතුලත පිළිතුරක් ලබා දෙන බවට අමාත්‍ය රාජිත සේනාරත්න සත්‍යග්‍රහයේ යෙදී සිටින අතුරුදහන් වුවන්ගේ ඥාතීන් හට පොරොන්දු වී ඇත.
Facebook Comments
