ශ්‍රී ලංකා රජය කෙරෙහි ඇති විශ්වාසය බිඳ වැටී ඇති සේම ජාත්‍යන්තර ප්‍රජාවද තමන් වෙනුවෙන් යුක්තිය ඉටු කරනු ඇතැයි තිබු විශ්වාසය බිඳ වැටෙමින් තිබෙන බව අතුරුදහන් වුවන්ගේ ඥාතීන් පවසයි.
අතුරුදහන් වුවන් සොය දෙන ලෙස බල කරමින් කිලිනොච්චියේ විරෝධතාවයක් ආරම්භ කල දා සිටි බොහෝ ජාත්‍යන්තර නියෝජිතයන් තම දුක් ගැහට ඇසීමට පැමිණියද මෙතෙක් කිසිඳු යුක්තියක් ඉටු නොවු බව එම ඥාතීන් ජාත්‍යන්තර ක්ෂමා සංවිධානයේ ශ්‍රී ලංකාව පිළිබඳව නියෝජිතවරිය යොලෙන්ඩා ෆොස්ටර් හමුවේ කියා සිටියේය.
සංක්‍රාන්ති යුක්තිය පිළබඳව ශ්‍රී ලංකාව අත් කරගෙන ඇති ප්‍රගතිය ගැන සොය බැලීමට පැමිණ සිටින නියෝජිතවරිය 04 සෙනසුරාදා කිලිනොච්චියේ සත්‍යග්‍රයක නිරත අතුරුදහන් වුවන්ගේ ඥාතීන් හමුවු බව සිලොන් ජර්නල්ස් වාර්තාකරු පවසයි.
ජාත්‍යන්තරය රවටන උපක්‍රමය
සංක්‍රාන්ති යුක්තියෙන් හෝ අතුරුදහන් වුවන් පිළබඳ කාර්යාලයෙන් යුක්තියක් ඉටු නොවන බව පෙන්වා දී ඇති ඥාතීන් එය ” ජාත්‍යන්තරය රැවටීමට ශ්‍රී ලංකා රජය යොදා ගත් උපක්‍රමයක් ” යැයි චෝදනා කර තිබේ.
සත්‍යග්‍රහය ආරම්භ කල දා සිට යුක්තිය නොලබාම කිලිනොච්චියේ සිටි මව්වරුන් 05 දෙනෙකු මිය ගිය බවට ක්ෂමා නියෝජිතවරිය වෙත පැමිණිළි කර ඇති ඥාතීන් බොහෝ මව්වරු රෝගාබාධ වලට ලක් වී ඇති බව පෙන්වා දී ඇත.
දින 250 වැඩි කාලයක් පුරා අතුරුදහන් වු තම සමීපතමයන් සොය දෙන ලෙස බල කරමින් අතුරුදහන් වුවන්ගේ ඥාතීන් මුලතිව් සහ කිලිනොච්චියේ සත්‍යග්‍රහයක නිරත වේ.
Facebook Comments
