යෝජිත නව ව්‍යවස්ථාව පිළිබඳව බිය නොවන ලෙස සෞඛ්‍ය, පෝෂණ හා දේශීය වෛද්‍ය අමාත්‍යවරයා ජනතාවගෙන් ඉල්ලා සිටී.
ව්‍යවස්ථාදායක සභාව ඉදිරිපත් කළ නව ව්‍යවස්ථා යෝජනාවට පාර්ලිමේන්තුවේ මැති ඇමැතිවරුන් සහ පළාත් සභා අමාත්‍යවරුන් යෝජනා අදහස් ඉදිරිපත් කිරීමෙන් පසු එය කෙටුම්පත් කිරිමට නියමිත බවයි අමාත්‍ය රාජිත සේනාරත්න පෙන්වා දෙන්නේ.
ඉන් පසු පාර්ලිමේන්තුවේ 2/3 ක බහුතර බලයකින් සම්මත වූ පසු ජනමත විචාරණයකට යොමු කරන බව පසුගියදා පැවති මාධ්‍ය හමුවක දී ඇමැතිවරයා කියා සිටියේය.
නව ව්‍යවස්ථාව හදිසියේ ගත් තීරණයක් නොවන බවත් 2015 වසරේ සිට එය ක්‍රියාත්මක වූ බව පෙන්වා දෙන සුව ඇමැතිවරයා ව්‍යවස්ථාදායක සභාව පාර්ලිමේන්තුවට එය ඉදිරිපත් කිරීමෙන් පසු රට තුල මතයක් ඇති වූ බව ප්‍රකාශ කළේය.
නව ව්‍යවස්ථාවට එරෙහිව භික්ෂූන් වහන්සේ නමක් උපවාසයක් ආරම්භ කර ඇති බව කී සුව ඇමැති රාජිත සේනාරත්න එය අනවශ්‍ය කරුණක් යැයි වැඩි දුරටත් පැවසීය.
Facebook Comments
