අතුරුදන් වූවන් සදහා වන්දි ගෙවීමේ ආරම්භ කිරීමට වැඩ කටයුතු ආරම්භ කර ඇති බවත් ඒ හරහා ඉතා ඉක්මනින් වන්දි ගෙවීමේ කටයුතු කරනු ඇති බවට කතානායකවරයා විශ්වාසය පළ කර තිබේ.
අතුරුදහන් වුවන්ගේ කාර්යාලය හරහා අතුරුදහන් වුවන්ගේ පවුල් වලට සහනයක් ලබා දීමට අපේක්ෂා කරන බව කතානායක කරූ ජයසුරිය අතුරුදන් වූවන් පිළිබද සෙවීමේ පළමු ප්‍රාදේශීය කාර්යාලය මාතර කොටුව ධර්මාරාම මාවතේ විවෘත කිරීමේ උත්සවයට එකිවෙමින් කියා සිටියේය.
කෙසේ වෙතත් මෙතෙක් අතුරුදහන් වුවන් වෙනුවෙන් සහතික නිකුත් කිරීමට නොහැකි වීම සම්බන්ධව කාතානායකවරයා සිය කණගාටුව පළ කළේය.
88/ 89 කාලවකවානුවේදී දකුණු පළාතේ පැවති භීෂණයෙන් අතුරුදන් වූවන් පිළිබද සොයා බැලීම මෙම කාර්යාලයෙන් විශේෂයෙන් සිදු කිරීමට නියමිතය.
මෙවැනි ප්‍රාදේශීය කාර්යාල දොළහක් දිවයිනම ආවරණය වන පරිදී ස්ථාපනය කිරීම රජයේ ඉලක්කයයි.
ජාති ආගම් භේදයකින් තොරව අගතියට පත් සියලු ජනතාවගේ ප්‍රශ්නවලට විසදුම් ලබාදීමට අතුරුදන් වූවන්ගේ කාර්යාලය ඔස්සේ කටයුතු කරන බව මෙම අවස්ථාවට එක්වු අමාත්‍ය මනෝගනේෂන් අවධාරණය කළේය.
Facebook Comments
