රාජපක්ෂ සමයේ අපරාධ ලිපිගොනු අතුරුදහන් වීමේ අවදානමක් (VIDEO)

0

ව්‍යවස්ථා විරෝධීව මහින්ද රාජපක්ෂ අගමැති ධුරයට පත් කිරීමත් සමඟ රාජපක්ෂ පාලන සමයේ සිදුවු අපරාධ සම්බන්ධ ලිපි ගොණු අතුරුදහන් වීමේ අවදානමක් පවතින බව නීතිඥ මන්ත්‍රීවරයකු පවසයි.

“නීතිපති තුමාටත් නීතිපති දෙපාර්තුමේන්තුවේ අපරාධ නඩු මෙහෙයවන රජයේ අධි නීතිඥවරුන්ටත් විශේෂ කාර්ය බලකායේ ආරක්ෂාව දෙන්න සිදුවුනා,” යැයි අජිත් පී පෙරේරා මන්ත්‍රීවරයා අරලිය ගහ මන්දිරයේ පැවති මාධ්‍ය හමුවක දී කියා සිටියේය.

පුරවැසියාගේ නීතියේ අධිපත්‍යය ආරක්ෂා කරන ආයතනයකට තර්ජනයක් එල්ල වීම් පුරවැසි අයිතිය අභියෝගයකට ලක් වීමක් ලෙසයි මන්ත්‍රීවරයා පෙන්වා දෙන්නේ.

අපරාධ පරීක්ෂණ දෙපාර්තමේන්තුවේ හා පොලිස් මුල්‍ය අපරාධ ඒකකයේ ලිපි ගොණු අතුරුදහන් කිරිමේ සැලැස්මක් පිළිබඳව තොරතුරු වාර්තා වන බව කී මන්ත්‍රීවරයා එම ආයතන වලට ප්‍රමාණවත් ආරක්ෂාවක් ලබා දෙන ලෙසට පොලිස්පතිවරයාගෙන් ඉල්ලීමක් කළේය.

රාජපක්ෂ පාලන සමයේ සිදුවු බරපතල ගණයේ අපරාධ සම්බන්ධව පරීක්ෂණ කටයුතු කරන නිළධාරීන්ට හා එම නඩු විභාග කරන විනිසුරන්ට ආරක්ෂාවක් ලබා දෙන ලෙස ඉල්ලා සිටි අජිත් පී පෙරේරා එසේ සිදු නොවන හොත් මෙරටේ නීතියේ ආධිපත්‍යය පිළිබඳ අවසන් බලාපොරොත්තුවද ගිලිහෙනු ඇතැයි වැඩි දුරටත් පැවසීය.

Facebook Comments

wedding people