හිත හොඳ මිනිහෙක් යැයි ජනාධිපතිවරයාගෙන් සහතිකයක් ලබා ගත් මුදල් අමාත්‍යවරයා 2019 සඳහා වන අය වැය සකසා අවසන් කර තිබේ.
මංගල සමරවීර අමාත්‍යවරයා පානදුර පිහිටි “දේදුනු අනන්තය” නම් ඔහුගේ පුද්ගලික නිවසේ සිට අය වැය වාර්තාවේ අවසන් ලේඛන භාණ්ඩාගාරයේ ලේකම් ආචාර්‍ය ආර්.එච්.එස් සමරතුංග සමඟ නිරීක්ෂණයට ලක් කරන ඡායාරූපයක්ද නිකුත් කර තිබුණි.
මුදල් අමාත්‍යවරයා විසින් 05 අඟහරුවාදා තිසබයට ඉදිරිපත් කරන අයවැය ආර්ථික ප්‍රතිලාභ සෘජුව ජනතාවට සමීප කිරීමේ යෝජනා සහ ප්‍රතිපත්ති රැසකින් සමන්විත බවටයි මුදල් අමාත්‍යංශ ආරංචි මාර්ග පෙන්වා දෙන්නේ.
මෙම අය වැය හරහා මෙතෙක් එක්සත් ජාතික පෙරමුණ ආණ්ඩුව විසින් ක්‍රියාවට නගා තිබු ආර්ථික සැළසුම් වල ප්‍රතිපල ජනතාව වෙත ලැබීමට සලස්වා ඇති බව මෙන්ම තවදුරටත් ආර්ථික ක්‍රියාවලිය තුළ සාර්ථක වීමට නොහැකිවූ දිළිඳු පවුල් සම්බන්ධවද සුවිශේෂ අවධානයක් යොමු කර ඇති බවද වාර්තා වේ.
මෙවර අයවැය හරහා රාජ්‍ය සේවකයන්ට රුපියල් 3000/-කට නොඅඩු වැටුප් වර්ධනයක් ලබාදීමට යෝජිත බවට මාධ්‍ය වාර්තා කර තිබුණි.
එම වැටුප් වර්ධන ලබන අගෝස්තුවෙන් පසු රජයෙ සේවකයන්ට ලබාදීමට තීන්දු කර ඇති බවද එම වාර්තාවන්හි සඳහන් විය.
මෙවර අය වැය රටේ සියලු ජනතාවට උපරිම ප්‍රතිලාභ ලබා දෙන අය වැයක් වන බවටයි මුදල් අමාත්‍යංශ ආරංචි මාර්ග වැඩි දුරටත් සඳහන් කරන්නේ.
Facebook Comments
