සංහිඳියාව වර්ධනය කිරිම වෙනුවෙන් ඇත්ත හෝ බොරු ප්‍රකාශ සිදු කිරිම වරදක් නොවන බව යහපාලන බිහි කිරීමට උර දුන් බෞද්ධ භික්ෂුවක් පෙන්වා දෙයි.
පසුගිය දිනක මහනායක හිමිවරුන් බොදු බල සේනා නායක ඥානසාර හිමියන්ගේ මතවාදයට සහය දක්වමින් කල ප්‍රකාශය දැඩිව විචේචනයට ලක් කල දඹර අමිල හිමියන් එය මේ මොහොතේ නොකල යුතු දෙයක් බවට කියා සිටි.
ඥානසාර හිමිගේ මතවාදය සාමයට හා සංහිඳියාවට බාධාවක් බව පෙන්වා දුන් දඹර අමිල හිමියෝ මහනායකවරුන් මේ මොහොතේ කල යුත්තේ සංහිඳියාව විනාශ කරන දේට අනුබල දීම නොව ඒ වෙනුවන් පෙනී සිටිම බවයි එහිමියන් පවසන්නේ.
බොදු බල සේනා නායක ඥානසාර හිමිගේ ස්වරූපය බුදු දහමේ ඉගැන්වීමට පටහැනි බව කී අමිල හිමියන් “ඥානසාර හාමුදුරුවන්ගේ පල්ලිවලට ගහන්න හරි මුස්ලිම් මිනිහට ගහන්න කියන හරි දෙමළ මිනිහට ගහන්න කියන හරි ප්‍රකාශ වලින් බුදු හාමුදුරුවන්ව බබළවන් බැහැ. බුද්ධාගම අලෝකමත් වෙන්නෙ නෑ එහෙම කිව්වට.” යි එහමියන් පෙන්වා දෙයි.
බටහිර ලෝකයේ සිඝ්‍රයෙන් බුදු දහම අධ්‍යනය කරන ශාස්ත්‍රිය සමාජය මෙවැනි ප්‍රකාශ වලින් බුද්ධාගමට ලං නොවන බව සහ බුද්ධාගම මේකද යන්න ප්‍රශ්න කරන බවයි උන්වහන්සේ කියා සිටියේ.
බුද්දධාගම බැබළවීමට නම් බුදු දහමට අනුව ජිවත් විය යුතු බවයි දඹර අමිල හිමියන් වැඩිදුරටත් ප්‍රකාශ කළේ.
Facebook Comments
