සෞඛ්‍ය අමාත්‍යාංශයේ දේපල හානි කල සිසුන්ට නීතිමය පියවර

0

සෞඛ්‍ය අමාත්‍යාංශයට කඩා වැදී එහි දේපල වලට හානි සිදුකල අන්තර් විශ්ව විද්‍යාලීය බල මණ්ඩලයේ සිසුන්ට එරෙහිව රාජ්‍ය දේපළවලට හානි කිරීමේ වරද වෙනුවෙන් නීතිමය පියවර ගන්නා බව සෞඛ්‍ය අමාත්‍ය කියා සිටි.

මාලඹේ සයිටම් ආයතනය ජනසතු කරන ලෙස බලකරමින් අන්තර් විශ්වවිද්‍යාලයීය ශිෂ්‍ය බලමණ්ඩලය සහ වෛද්‍ය පීඨ ශිෂ්‍ය ක්‍රියාකාරී කමිටුව සංවිධානය කළ විරෝධතා පාගමනේ නියුතු සිසුන් 21 බදාදා සෞඛ්‍ය අමාත්‍යංශය වෙත ඇතුළු වී සිදු කළ කලබලකාරී ක්‍රියාදාමයන් හේතුවෙන් අමාත්‍යාංශය ඇතුළත දේපළවලට මෙන්ම වාහනවලට රුපියල් මිලියන ගණනක හානියක් සිදුව ඇති බවයි රාජිත සේනාරත්න අමාත්‍යවරයා පෙන්වා දෙන්නේ.

මෙ‍ම සිදුවීම පිටුපස යම් දේශපාලන බලවේගයක් ක්‍රියාත්මක බව කී අැමතිවරයා මේ සඳහා සහභාගී වූවන් වෛද්‍ය සිසුන්ම නොව වෙනත් ශිෂ්‍ය ක්‍රියාකාරීන්ද සිටින බව මෙන්ම අමාත්‍යංශ දේපල හානි කල පුද්ගලයන් ආරක්ෂිත කැමරා පද්ධතියෙන් හඳුනා ගන්නා බවද අමාත්‍යවරයා සඳහන් කරයි.

ඊයේ දින අමාත්‍යාංශයේ මහජන දිනයක් වූ බැවින් විශේෂයෙන් වෛද්‍ය අධ්‍යාපනය පිළිබඳ ප්‍රමිති වාර්තාව ඉදිරිපත් කිරීම, දේශීය වශයෙන් ඖෂධ නිෂ්පාදනය කරනු ලබන නිෂ්පාදකයින්ගේ විශේෂ රැස්වීම යනාදිය ඊයේ දිනට යෙදී තිබූ අතර මෙම කඩාකප්පල්කාරී ක්‍රියාදාමය හේතුවෙන් මේ සියල්ල අඩාල වූ බවයි ඇමති රාජිත පවසන්නේ.

 

 

Facebook Comments

wedding people