රජයේ වෛද්‍යවරු අඛණ්ඩව වැඩ වර්ජනයේ

0

රජයේ වෛද්‍ය නිලධාරීන්ගේ සංගමය ක්‍රියාත්මක කර තිබූ වැඩවර්ජනය අඛණ්ඩ වැඩවර්ජනයක් දක්වා දීර්ඝ කිරීමට තීරණය කල බව එම සංගමය පවසයි.

සයිටම් විරෝධී සිසු උද්ඝෝෂණයට සිදුකළ පහරදීම හා මාලඹේ සයිටම් පෞද්ගලික වෛද්‍ය විද්‍යාලයට විරෝධය පළ කිරීමේ අරමුණින් මෙම වැඩ වර්ජනය කැඳවා තිබේ.

වැඩවර්ජනය අවසන් කිරීමට අදාළ තීන්දු තීරණ ගැනීමේ බලය සංගමයේ විධායක සභාව වෙත පැවරු බවද එම සංගමයේ ලේකම් වෛද්‍ය නවීන් ද සොයිසා කියා සිටි.

කෙසේ වෙතත් වැඩවර්ජනය ක්‍රියාත්මකවන කාලය තුළ සියලු රෝහල් වල හදිසි ප්‍රතිකාර සේවා කටයුතු අඛණ්ඩව ක්‍රියාත්මක වන අතර සියලු ඩෙංගු ප්‍රතිකාර කටයුතු ද කිසිඳු බාධාවකින් තොරව පවත්වාගෙන යන බවයි ඔහු පවසන්නේ.

රජයේ වෛද්‍ය නිලධාරීන්ගේ සංගමය 22 බ්‍රහස්පතින්දා සිට ක්‍රියාත්මක කර ඇති වැඩවර්ජනය සම්බන්ධයෙන් මෙතෙක් කල් නොගත් ක්‍රියාමාර්ග ගැනීමට රජය සුදානම් යැයි සෞඛ්‍ය ඇමැති රාජිත සේනාරත්න පවසයි.

‘‘මෙම වැඩවර්ජනය අඛණ්ඩ වැඩ වර්ජනයක් බවට පත් කිරිමට ඔවුන් තීරණය කර තිබෙනවා.. ඩෙංගු රෝගය පැතිර යමින් පවතින වකවානුවක මෙලෙස හැසිරීම ජනතාව හෙළා දකිනවා. ඔවුන් වෛද්‍යවරුන් නොවෙයි. ජනතාව කුපිත වී සිටින්නේ. රජයේ වෛද්‍ය නිලධාරින්ගේ සංගමයේ වෛද්‍යවරුනුත් වැටුප් ලබාගන්නේ අමාත්‍යාංශයෙන්. එම සංගමයේ නියෝජිතයින්ට ඩෙංගු මැඩලීමේ වැඩපිළිවෙළ පිළිබදව ගැටලුවක් ඇත්නම් එහි වගකීමත් වෛද්‍යවරුන් විසින් බාරගත යුතුයි. සෞඛ්‍ය අමාත්‍යාංශයේ ඊයේ සිදූ වූ සිද්ධිය මුලික කර ගනිමින් වෛද්‍ය නිලධාරීන් ආරම්භ කර ඇති වැඩ වර්ජනයට ජනතාව පිළිතුරු ලබාදෙයි‘‘ යැයි ඇමැතිවරයා කීවේය.

Facebook Comments