මෙරට මහ පරිමානයේ ව්‍යාපාරිකයන් රැසක් බදු මුදල් ගෙවිම පැහැර ඇති බවට පුරවැසි බලයේ සංවිධානය චෝදනා කරයි.
බදු ආදායම අඩු විමට ප්‍රධාන හේතුව වි ඇත්තේ මේ රටේ මහ පරිමාණයේ ව්‍යාපාරිකයන් රැසක් බදු මුදල් නිසි ලෙස නොගෙවන නිසා බව එහි කැඳවුම්කරු සමන් රත්නප්‍රිය පැවසිය.
ඔහු පැවසුවේ සිවිල් සංවිධාන වෘත්තිය සමිති එකමුතුව විසින් හැටන් දික්ඔය නව නගර ශලාවේ කදුරට ජනතාවගේ අයිතින් සුරකින ආණ්ඩුක්‍රම ව්‍යවස්ථාවක් යන මැයෙන් 03 ඉරිදා පැවති සම්මන්ත්‍රණයක් අමතමිණි.
බදු මුදල් ගෙවන මහ පරිමාණයේ ව්‍යාපාරිකයන් දෙදෙහසක් සිටින බවත් එම ව්‍යාපාරිකයන් අතරින් වැඩි ප්‍රමාණයක් නිසි ලෙස බදු මුදල් නොගෙවන බවට ඔහු පෙන්වා දුනි.
එම මුදල් අය කර ගැනිමට රට තුල නිසි වැඩ පිලිවෙලක් නොමැති බවට චෝදනා කල සමන් රත්නප්‍රිය රටේ සමාන්‍ය ජනතාව පමණක් බදු මුදල් නිසි ලෙස ගෙවන බව කියා සිටියේය.
රටේ ආදායම් තත්ත්වය ඉහල දැමිමට බදු මුදල් නිසි ලෙස එකතු කළ යුතු බවද රවැසි බලයේ සංවිධානයේ කැදවුම්කරු සමන් රත්නප්‍රිය වැඩි දුරටත් සඳහන් කළේය.
Facebook Comments
