දකුණු පළාත් ආණ්ඩුකාරවරයා විසින් ගාල්ල සවුත්ලන්ඩ් විද්‍යාලයේ විදුහල්පතිනියට බැණ තර්ජනය කළැයි කියන සිද්ධියක් ගැන විමර්ශනයක් ආරම්භ කළ බව ගාල්ල පොලිසිය පවසනවා.
එම සිද්ධිය සම්බන්ධයෙන් විද්‍යාලයේ ආරක්ෂක නිලධාරියාගෙන් සහ විදුහල්පතිනියගේ සැමියාගෙන් ප්‍රකාශ සටහන් කර අවසන් බවයි වාර්තා වන්නේ.
සවුත්ලන්ඩ් විද්‍යාලයට ඇතුළත් කළ යුතු ළමයින් හතර දෙනකු ඇතුළත් කර ගැනීමට නියමිතව තිබිය දී එම සිසුන් විද්‍යාලයට ඇතුලත් කර ගැනීමට පමාවීම ගැන කියමින් මෙලෙස බැණ තර්ජනය කළ බවට විදුහල්පතිවරිය පොලිසියට පැමිණිළි කර ඇත.
පසුගිය 28 වැනි දා මෙම විදුහල්පතිනියට දුරකතන ඇමතුම් දුන්නත් ප්‍රතිචාරයක් නොලද නිසා වරාය පොලිසියේ නිලධාරීන් පිරිසකට එහි ගොස් පණිවිඩය ලබා දෙන ලෙස ආණ්ඩුකාරවරයා නියෝග කර ඇති අතර ඒ වන විට විදුහල්පතිනිය ආගමික වතාවත් සඳහා ගොස් සිටි බවත්, ඒ අනුව එම විහාරස්ථානයට ගොස් වරාය පොලිසියේ ස්ථානාධිපතිගේ දුරකතනයෙන් ඇමතුමක් ගෙන විදුහල්පතිනිය සම්බන්ධ කර දී තිබේ.
එම සිද්ධියෙන් පසුව මාර්තු 01 වන දින විදුහල්පතිනිය ආණ්ඩුකාරවරයා තර්ජනය කල බවට මෙසේ පොලිසිය වෙත පැමිණිළි කර ඇති බවයි වැඩි දුරටත් වාර්තා වන්නේ.
Facebook Comments
