යෝජිත නව ව්‍යවස්ථාව සම්බන්ධයෙන් බහුතර සිංහල ජනයා මුලා කිරීම පාප කර්මයක් වන ව්‍යවස්ථා විශාරදයෙකු වන මහාචාර්ය ජී එල් පීරිස්ට විපක්ෂ නායකයාවරයා සෘජුවම පවසා තිබේ.
එම පාප කර්මයට දායක නොවී ව්‍යවස්ථා සම්පාදන ක්‍රියාවලියට දායක වන ලෙස ඉල්ලා විපක්ෂනායක ආර් සම්බන්ධන් මහාචාර්ය ජී එල් පීරිස්ගෙන් ඉල්ලා ඇත.
ව්‍යවස්ථා විශාරද මහාචාර්යවරයාගෙන් දෙමළ ජාතික සන්ධාන නායක ආර් සම්බන්ධන් මෙම ඉල්ලීම කර ඇත්තේ ශ්‍රී ලංකාවට පැමිණ සිටින බංග්ලාදේශ පාර්ලිමේන්තු කතානායිකා ආචාර්ය ෂිරීන් ශාර්මින් චෞදුරි වෙනුවෙන් බංග්ලාදේශ තානාපති නිල නිවසේ පවත්වන ලද රාත්‍රී භෝජන සංග්‍රහයකදී බව ජාතික ප්‍රතිපත්ති හා ආර්ථික කටයුතු නියෝජ්‍ය අමාත්‍ය හර්ෂ ද සිල්වා ට්විටර් පණිවුඩයක් මගින් ප්‍රකාශයට පත් කර තිබුනි.
“ශ්‍රී ලංකාවේ ව්‍යවස්ථාව සම්බන්ධයෙන් අහිංසක සිංහල ජනතාව මුලාවේ හෙලීම පාප කර්මයක් බව සම්බන්ධන් මහතා මහාචාර්ය ජී එල් පීරිස් ට කියා සිටියේය,” යි එම පණිවුඩයේ සඳහන් වේ.
සිහි විකල් නොකර ගන්න
විපක්ෂ නායකයා මහාචාර්ය වරයාගේත්, ඒකාබද්ධ විපක්ෂයේත් සහාය ඉල්ලා සිටි බව තවත් ට්විටර් පණිවිඩයක් මගින් පවසන ආචාර්ය හර්ෂ ද සිල්වා කියා තිබුනේ යෝජිත ව්‍යවස්ථාව සම්බන්ධ සාකච්ඡාව “අතිශයින් සුන්දර සහ සුහද” එකක් වූ බවයි.
අතීතයේ “ඉතා ප්‍රගතිශීලී” අයකු ලෙසින් හිටපු අමාත්‍ය ජී එල් පීරිස් හඳුන්වා දී ඇති විපක්ෂ නායක සම්බන්ධන්, කාරුණිකව ඉල්ලා ඇත්තේ “සියලුදෙනා සිහි එලවා ගනිමින් ඉන්නා යුගයක” පැරණි ස්ථාවරය වෙනස් නොකරන ලෙසයි.
Facebook Comments
