ගෝඨාභය රාජපක්ෂ ජනාධිපති ධුරයට පත් කිරීමට උතුරු නැගෙනහිර ජනතාව ඡන්දය ලබා නොදුන්නද එම පලාත් කිසිසේත් අත් නොහරින බව ශ්‍රී ලංකා පොදුජන පෙරමුණේ නායකයා පවසා තිබේ.
උතුරු නැගෙනහිර ඡන්ද නොමැතිව ජනාධිපතිවරණයක් ජය ගැනීමට නොහැකි බවට ප්‍රචාර ගෙන ගිය විපක්ෂය මෙවර මහ මැතිවරණයේදීත් එම ප්‍රකාශයම ජනගත කිරිමට උත්සාහ කරන බව අග්‍රාමාත්‍ය මහින්ද රාජපක්ෂ 03 සිකුරාදා හම්බන්තොට කුඩාවැල්ල ප්‍රදේශයේ පැවැති ජනරැළියදී ප්‍රකාශ කර ඇත.
දකුණේ ඡන්දවලින් තමන් ජයග්‍රහණය කළද උතුරු නැගෙනහිර ජනතාව අත් නොහරින බවත් එම ජනතාව දිනා ගැනීමේ වැඩපිළිවෙලක් ඉදිරියට ක්‍රියාත්මක කරන බවයි අගමැතිවරයා පවසන්නේ.
උතුරු නැගෙනහිර ජනතාව දිනාගැනීමේදී දකුණේ තරුණ කණ්ඩායම්වල සහාය අපේක්ෂා කරන බව කී අගමැතිවරයා උතුර දකුණු භේදයක් නොමැතිව එක සේ රට සංවර්ධනය කිරීම සඳහා සෑම අවස්ථාවකම තම රජයන් කටයුතු කර ඇති බවද වැඩි දුරටත් කියා සිටියේය.
Facebook Comments
