ගෝඨාභය මහ ඡන්දයට මූණ දෙන්න බය වෙලා – බාහු (VIDEO)

0

ජනාධිපතිධුරයට පත් වීමෙන් පසු පැවැත්වෙන පළමු මැතිවරණයටම මුහුණ දීම සදහා ජනාධිපතිවරයා බිය වී ඇති බව එක්සත් ජාතික පක්ෂයෙන් මහ මැතිවරණයට ඉදිරිපත්වී සිටින ජ්‍යෙෂ්ඨ වාමාංශික නායකයෙකු පවසයි.

මැතිවරණ ව්‍යාපාරයේදී තම මුහුණ ඇතුලත් සේයාරූ භාවිත නොකරන ලෙස ජනාධිපති ගෝඨාභය රාජපක්ෂ විසින් අපේක්ෂකයන් වෙත උපදෙස් ලබා දී ඇත්තේ එබැවින් බවයි මහාචාර්ය වික්‍රමබාහු කරුණාරත්න පවසන්නේ.

“ඒකෙන්ම පේනවා ගෝඨාභයගේ ඒකාධිපති, ජාතිවාදී රූකඩය මිනිසුන්ට අප්‍රියයි බව ”

එජාප කළුතර දිස්ත්‍රික් ලයිස්තුවෙන් මහ මැතිවරණයට තරඟ කරන නව සම සමාජ පක්ෂයේ නායක මහාචාර්ය වික්‍රමබාහු කරුණාරත්න ඒ බව සදහන් කලේ නව සම සමාජ පක්ෂ මුලස්ථානයේදී ජුලි 02 බ්‍රහස්පතින්දා පැවැති මාධ්‍ය හමුවේදී අදහස් දක්වමිනි.

ජනාධිපති මාධ්‍ය අංශයේ අධ්‍යක්ෂ ජනරාල් මොහාන් සමරනායක විසින් ජුලි 01 බදාදා නිකුත් කර තිබු නිවේදනයක සදහන්ව තිබුනේ එළඹෙන මහ මැතිවරණයට තරග වැද සිටින අපේක්ෂකයන් ප්‍රචාරක කාර්යන් සදහා ස්වකීය ඡායැරූප භාවිත නොකළ යුතු බවට ජනාධිපති ගෝඨාභය රාජපක්ෂ විසින් නියෝග කර ඇති බවයි.

මැතිවරණ ප්‍රචාරක කටයුතු සදහා තම රූපය භාවිත කිරීම තුලින් ඡන්ද ප්‍රමාණය අඩු වන බව ජනාධිපතිවරයාගේ ප්‍රකාශයේ ගැබ්බ ඇති බව පෙන්වා දෙන මහාචාර්ය වික්‍රමබාහු කරුනාරත්න පවසන්නේ එය සත්‍ය තත්වයක් බවයි.

ජනාධිපතිවරයාගේ ඒකාධිපති ස්වරූපය ජනතාවට අප්‍රිය වී ඇති බව නැවත නැවතත් පෙන්වා දෙන මහාචාර්යවරයා අවධාරණය කරන්නේ එත තත්වය යම් තාක් දුරට හෝ අඩු වීමට පටන් ගත්තේ මහින්ද රාජපක්ෂ අගමැති ලෙස වැඩ කිරීමට පටන් ගත් පසුව බවයි.

ජනප්‍රිය වාමාංශික දේශපාලන නායකයකුගේ ස්වරූපයට අනුව මහින්ද රාජපක්ෂ පසුගිය කාලයේ ගොඩ නැගී තිබීමක් පෙන්නුම් කිරීම එයට හේතුව ලෙස ඔහු එහිදී වැඩි දුරටත් පෙන්වා දුන්නේය.

“ඒ නිසාම ඔහු ජාතිවාදී දෙමළ විරෝධි, මුස්ලිම් විරෝධි තැනකට ගියයි කියලා සාමාන්‍යයෙන් හැගීමක් නෑ. ඒ නිසා ඒ මුහුණ දාලා ඡන්ද ප්‍රමාණයක් වැඩි කරගන්න පුළුවන් කියන එක තමයි ඊගලට ඒකෙන් කියවෙන්නේ. ” දශක කිහිපයකට ඉහතදී තම සටන් සගයා වු මහින්ද රාජපක්ෂ කෙරෙහි ඇති ආකල්පය සම සමාජ නායකයා විග්‍රහ ක‌ළේ ඒ අයුරිනි.

“අර ගෝඨා ගේ හිට්ලර් මුහුණ දැම්මාම හමුදාවයි ඒකාධිපතිවාදයයි දාගෙන යන ගමනම මිනිස්සුන්ට අප්‍රියයි කියලා ඒ ගොල්ලම දැන් වටහාගෙන තිබීම තමයි අපිට මේකෙන් පෙනෙන්නේ ”

වත්මන් ආණ්ඩුව පසුගිය කාලය පුරාවට ඇමරිකන් විරෝධී බව පෙන්වීමට උත්සාහ දැරුවද සැබැවින්ම ආණ්ඩුව ඇමරිකන් ගැති බව මහාචාර්ය වික්‍රමබාහු කරුණාරත්න මාධ්‍ය හමුවේදී වැඩි දුරටත් පෙන්වා දුන්නේය.

Facebook Comments

wedding people