ඇමරිකානු ජනාධිපති ඩොනල්ඩ් ට්‍රම්ප්ගේ අනින් මරා දැමු ඉරානයේ ප්‍රමුඛ පෙළේ හමුදා නායකයා අනුස්මරණය කිරිමේ උත්සවයක් ශ්‍රී ලංකාවේ දී පවත්වා තිබේ.
බෞද්ධ භික්ෂුන් වහන්සේලාගේ සහභාගිත්වය ඇතිව ජෙනරල් කාසෙම් සුලේයිමානි සිහිපත් කිරිමක් 07 අඟහරුවාදා කොළඹ පිහිටි ඉරාන සංස්කෘති මධ්‍යස්ථානයේ දී සිදු කර ඇත.
ඇමරිකාව විසින් ජනවාරි 03 වනදා නියමුවන් රහිත ඩ්‍රෝන ප්‍රහාරයක් එල්ල කර ඉරානයේ ඉහළම නායක අයතුල්ලා කමේනිගේ පසු සිටි දෙවැනි ප්‍රබලතම පුද්ගලයා ලෙස සැලකෙන ජෙනරල් කාසෙම් සුලේයිමානි ඝාතනය කරන ලදි.
ජෙනරාල්වරයා “ත්‍රස්තවාදියකු” ලෙස සහ ඇමරිකානු හමුදාවලට තර්ජනයක් වන පුද්ගලයෙකු ලෙසටයි ඇමරිකානු ජනාධිපති ඩොනල්ඩ් ට්‍රම්ප් විසින් හඳුන්වා දෙනු ලැබුවේ.
තම හමුදා නායකයා මරා දැමීමෙන් පසුව ඊට පිළිතුරු ලෙස ඉරානය විසින් ජෙනරල් කාසෙම් සුලේයිමානිගේ දේශය මිහිදන් කර පැයකට පමණ පසුව ඉරාකය තුළ ඇමරිකානු හමුදා රැදී සිටින ගුවන් කඳවුරු දෙකකට බැලිස්ටික් මිසයිල දුසිමකට වැඩි ප්‍රමාණයක් එල්ල කරන ලදී.
Facebook Comments
