ජනාධිපති මෛත්‍රීපාල සිරිසේන විසින් හිටපු ජනපති මහින්ද රාජපක්ෂ අගමැති ධුරයට පත් කර බිහි කරමින් සිටින රජය “හොර ආණ්ඩුවක්” ලෙස හඳුන්වා දෙන වාමාංෂික නායකයෙකු එයට එරෙහිව ජනතාව විදියට බැස සටන් කළ යුතු බව අවධාරණය කර තිබේ.
ජනාධිපතිවරයා සහ හිටපු ආරක්ෂක ලේකම්වරයා මරා දැමීමට කුමන්ත්‍රණයක් පවතින බවට පැවසීම ආණ්ඩු බලය ලබා ගැනීම උදෙසා “ගොතන ලද කතාවක්” බවයි නව සම සමාජ පක්ෂ නායක ආචාර්ය වික්‍රමබාහු කරුණාරත්න පෙන්වා දෙන්නේ.
වහාම පාර්ලිමේන්තුව කැඳවිය යුතුයි යන සටන් පාඨය යටතේ සියලු දෙනා උද්ඝෝෂණ සහ හර්තාල් ව්‍යාපාර ආරම්භ කළ යුතු බවයි නව සම සමාජ පක්ෂ නායකයා අවධාරණය කරන්නේ.
මේ ආණ්ඩුව ප්‍රජාතන්ත්‍රවාදී නොවන හොර ආණ්ඩුවක් බව පෙන්වා දෙන ආචාර්යවරයා පාර්ලිමේන්තුවේ බහුතරය නොපෙන්වා ගෙන යන මගඩියට එරෙහිව ආණ්ඩුව පෙරළා දමන තෙක් ජනතාව සටන් කළ යුතු බව මෙන්ම “සිරිසේනගේ බලය කඩාකප්පල් කර විනාශ කර දමන තෙක්” එම ගමන යා යුතු බව වැඩි දුරටත් කියා සිටියේය.
Facebook Comments
