වෛද්‍ය පීඨ ශිෂ්‍ය ක්‍රියාකාරී කමිටුවේ කැදවුම්කාර රයන් ජයලත් අත්අඩංගුවට ගැනීමට යාමේ සිද්ධිය සහ එම අවස්ථාවේ පොලීසිය විසින් අනුගමනය කළ ක්‍රමවේදය පිළිබඳ වාර්තාවක් ලබා දෙන ලෙසට නීතිය, සාමය සහ දක්ෂිණ සංවර්ධන අමාත්‍යවරයා පොලිස්පතිවරයා වෙත නියෝග කර ඇත.
එළඹෙන සතියේදී පාර්ලිමේන්තුව රැස්වූ පසු මෙම සිද්ධිය සම්බන්ධයෙන් විශේෂ ප්‍රකාශයක් සිදු කිරීමට බලාපොරොත්තු වන බව ද අමාත්‍ය සාගල රත්නායක නිවේදනයක් නිකුත් කරමින් කියා සිටියි.
පසුගිය 21 වනදා සුදු වෑන් රථයකින් පැමිණි කල්ලියක් සිසු නායකය රයන් ජයලත් පැහැර ගැනිමට උත්සාහ කල අතර දේශපාලන පක්ෂ නායකයන්, වෘත්තීය සමිති නියෝජිතයන්, වෛද්‍ය පීඨ දෙමාපිය සංගම් නියෝජිතයන් හා ශිෂ්‍ය නියෝජිතයන් මහත් පරිශ්‍රමයක් දරා එම උත්සාහය වලක්වා ලන්නට සමත් විය.
පසුව පොලිස් නිල ඇඳුමින් සැරසුන පොලිස් නිලධාරින් එම ස්ථානයට පැමිණි අතර සිවිල් ඇඳුමි හැඳ සුදු වෑන් රියෙන් පැමිණියේ පොලිස් නිලධාරීන් බව සහ ඔවුන් රයන් ජයලත් අත්අඩංගුවට පැමිණි බවයි නිල පොලිස් භට පිරිසේ ප්‍රධානියා පවසා සිටියේ.
කෙසේ වෙතත් සිසු නායකයාට එරෙහිව අධිකරණයෙන් ලබාගෙන තිබෙන වරෙන්තුව ඉදිරිපත් කිරීමට එම පිරිස අසමත් වු අතර ඔහු අත් අඩංගුවට ගැනීමට වරෙන්තුවක් අනවශ්‍ය බවට පොලිසිය තර්ක කළේය.
Facebook Comments
