රජය හා හමුදාව සංහිඳියා ක්‍රියාදාමයක් පවත්වා ගෙන යන බව පවසන හමුදාපති ඊට විරුද්ධ විශ්‍රාමික හමුදා නිලධාරීන් ඇතුලු අයට බාධා කරන ලෙස හමුදාවට නියෝග කර තිබේ.
සංහිඳියා ක්‍රියාදාමයට බාධා වන අයුරින් කටයුතු කිරීම ශ්‍රී ලංකා යුද්ධ හමුදාව විසින් මුළුමනින්ම හෙළා දකින බවයි නිවේදනයක් නිකුත් කරමින් යුද හමුදාපති මහේෂ් සේනානායක පවසන්නේ.
ඇතැම් අවස්ථාවාදීන් දේශපාලකයන්, විශ්‍රාමික හමුදා නිලධාරීන් මෙන්ම ඇතැම් සිවිල් ක්‍රියාකාරින් රජය හා යුද හමුදාව ගෙන යන සංහිඳියා වැඩපිළෙවල විවේචනය කරමින් උතුරු නැගෙනහිර ජනතාව තුල රජය හා යුද හමුදාව ඇති විශ්වාසය ප‍ළුදු කිරීමට උත්සාහ කරන බවට චෝදනා කරන හමුදාපතිවරයා ඔවුන් කවුරුන්ද යන්න ජනමාධ්‍ය හරහා හෙලිදරව් වී ඇති බවයි පෙන්වා දෙන්නේ.
සංහිඳියාවට බාධා කරන්නන් සහභාගී වන කිසිදු උත්සවයකට සහභාගී වීමට හෝ කිසිදු ආකාරයක අනුබලදීමක් මෙන්ම අනුග්‍රහය දැක්වීමක්ද සිදු නොකරන ලෙස යුද හමුදාපතිවරයා හමුදාවට නියෝග කර ඇත.
Facebook Comments
