ජනපතිවරයා සතු නීතිය හා සාමය අමාත්‍යංශය හිටපු හමුදාපති පාර්ලිමේන්තු මන්ත්‍රී සරත් ෆොන්සේකා හැර වෙනත් මන්ත්‍රීවරයෙකුට ලබා දීමට ජනාධිපතිවරයා එකඟතාවය පළ කර තිබේ.
ඒ සඳහා මන්ත්‍රීවරයෙකු යෝජනා කරන්නේ නම් සලාක බැලිය හැකි බව ජනපති නිල නොවන මට්ටමින් එක්සත් ජාතික පක්ෂයට දන්වා ඇති බවයි ජනාධිපති ලේකම් කාර්යාල ආරංචි මාර්ග පවසන්නේ.
පාස්කු ප්‍රහාර මාලාවෙන් පසුව ජනපති සතුව ඇති නීතිය හා සාමය අමාත්‍යංශය ෆිල්ඩ් මාර්ෂල් සරත් ෆොන්සේකා හට පවරන ලෙසට එජාපය ජනාධිපතිවරයාගෙන් ඉල්ලා තිබුණි.
මේ අතර පාර්ලිමේන්තු මන්ත්‍රී සරත් ෆොන්සේකා හට නීතිය හා සාමය අමාත්‍යංශය අමාත්‍ය ධුරය ලබා දෙන ලෙසට ඉල්ලා මැති ඇමැතිවරුන් අත්සන් තබන ලද සංදේශයක් 06 සඳුදා අගමැතිවරයාට සහ ජනපති වෙත බාර දෙන බව අශූ මාරසිංහ මන්ත්‍රීවරයා මාධ්‍ය වෙත සඳහන් කළේය.
Facebook Comments
