යහපාලන රජය බිහි කරනු ලැබුවේ අධිකරණයේ ස්වාධීනතාවය ඇති කිරීම අරමුණු කරගෙන මිස කිසිවෙකුගෙන් පළිගැනිමෙන් චේතනාවෙන් නොවන බව අධිකරණ අමාත්‍යවරිය පවසයි.
භාර (සංශෝධන ) පනත් කෙටුම්පත, අධිකරණ සංවිධාන පනත යටතේ නියෝග, නීති අධ්‍යාපන සභා ආඥාපනත යටතේ රීති සම්බන්ධයෙන් 20 අඟහරුවාදා පාර්ලිමේන්තු විවාදයට එක්වෙමින් තලතා අතුකෝරළ ඇමැතිවරිය මේ බව කියා සිටියාය.
“හොරු අල්ලන්න ඉල්ලීම තිබුණේ රටේ ජනතාවගෙන්. ඒ සඳහා අවශ්‍ය ක්‍රියාපිළිවෙල සිදුවෙමින් යනවා. හිතෙන, හිතෙන අය අල්ලලා හිරේ දාන්න බෑ. අධිකරණය අද ස්වාධීනයි. වැරදි පූර්වාදර්ශ ඉදිරියට ගෙන යන්න සූදානම් නැහැ.” යි ඇමැති තලතා අතුකෝරළ පවසයි.
අධිකරණයේ සියලුම විනිසුරුතුමන්ලාට ස්වාධීනව කටයුතු කිරිමේ හැකියාව යහපාලනය රජය බිහිවිමෙන් අනතුරුව ලැබී ඇති බව පෙන්වා දෙන ඇමැතිවරිය විනිසුරුන් හට කිසිඳු බලපෑමක් සිදු නොකරන බව අවධාරණය කළේය.
“විශේෂ අධිකරණ පත් කිරීම අපේ යුතුකමක්. අපි වගකීමක් ඇතිව වැඩ කරනවා. කිසිකෙනෙකුගෙන් පලිගැනීමේ චේතනාවෙන් වැඩ කරන්නේ නෑ” යැයි ද ඇමැතිනි තලතා අතුකෝරළ වැඩි දුරටත් කියා සිටියේය.
Facebook Comments
