මාස දෙකකට වරක් ඉන්ධන මිල වෙනස් වෙනවා – මුදල් ඇමැති

0

ලෝක වෙළඳපොලේ ඉන්ධන මිල වැඩිවන හා අඩුවන අන්දම විමර්ශනය කොට මාස 02කට වරක් ඉන්ධන මිල සංශෝධනය කිරීමට රජය තීරණය කර ඇත.

ඒ අනුව ජූනි මාසයේ පස්වන දින සිට නව ඉන්ධන මිල සූත්‍රය ක්‍රියාත්මක කිරීමට බලාපොරොත්තු වන බව මුදල් හා ජනමාධ්‍ය අමාත්‍ය මංගල සමරවීර 10 බ්‍රහස්පතින්දා පැවති මාධ්‍ය හමුවක දී කියා සිටියේය.

පසුගිය රාජපක්ෂ පාලන සමයේ ඔක්ටේන් 92 පෙට්ට්‍රල් ලීටර එකක් රුපියල් 162ක් වූ අතර වර්තමාන ආණ්ඩුව බලයට පත් වී එය 117 දක්වා අඩු කරනු ලැබීය.

එසේම ඔක්ටේන් 95 පෙට්ට්‍රල් ලීටරය රුපියල් 158 සිට 128 දක්වා ද,ඩීසල් ලීටරයක් රුපියල් 111 සිට 95 දක්වා ද සුපිරි ඩීසල් ලීටරයක් රුපියල් 133 සිට 110 දක්වා ද වත්මන් රජය විසින් අඩු කරන ලදී.

එකල රුපියල් 106ක් ව පැවැති භූමිතෙල් ලීටරය ආණ්ඩුව විසින් රුපියල් 106 දක්වා වැඩි කොට තිබුණි.

අද වන විට ලෝක වෙළඳපොලේ බොරතෙල් බැරලයක මිල ඩොලර් 77 දක්වා ඉහළ ගොස් තිබෙන නිසාවෙන් වර්තමාන මිල ගණන්වලට ඉන්ධන අලෙවි කිරීමෙන් ලංකා ඛණිජ තෙල් සංස්ථාවට රුපියල් මිලියන 55 ක පාඩුවක් සිදු වී ඇති අතර ඒ අනුව ඉන්ධන මිල ගණන් සංශෝධනය කිරීමටත් ඉදිරියේ දී මිල සූත්‍රය ක්‍රියත්මක කිරීමටත් රජය තීරණය කර තිබේ.

එම තීරණයට අනුව 10 බ්‍රහස්පතින්දා මධ්‍යම රාත්‍රියේ සිට ඔක්ටේන් 92 පෙට්ට්‍රල් රුපියල් 137.00කි. ඔක්ටේන් 95 පෙට්ට්‍රල් රුපියල් 148කි. ඔටෝ ඩීසල්ලීටරය රුපියල් 109කි. සුපර් ඩීසල් ලීටරයක මිල රුපියල් 119කි. භූමි තෙල් ලීටරය රුපියල්ල් 101 වැඩි වේ.

එහෙත් කුප්පි ලාම්පු පාවිච්චි කරන දුගී දුප්පත් සමෘද්ධිලාභීන්ට සහ ධීවරයින්ට භූමිතෙල් ලීටරය රුපියල් 44 බගින් කූපන් ක්‍රමයට බෙදාදීමට කටයුතු කරන බවයි අමාත්‍ය මංගල සමරවීර පවසන්නේ.

ධීවරයින්ට ලබාදෙන ඉන්ධන සහනාධාරය ජූනි 01 සිට ඔවුන්ගේ බැංකු ගිණුම්වලට බැරකරන බවද අමාත්‍යවරයා වැඩි දුරටත් කියා සිටියේය.

Facebook Comments

wedding people