ඇමැති මංගලගේ ප්‍රකාශය ජාතිවාදයට විරුද්ධයි (VIDEO)

0
651
Ivory Agency Sri Lanka
wedding people

ශ්‍රී ලංකාව සිංහල බෞද්ධයන්ගේ රටක් නොව ශ්‍රී ලාංකිකයන්ට අයිති භූමියක් බවට ඇමැති මංගල සමරවීර කරන ලද ප්‍රකාශය ජාතිවාදයට එරෙහි ප්‍රකාශයක් ලෙස ප්‍රසාදයට ලක්වී ඇත.

“මම කියනවා ලංකාව කියන්නෙ සිංහල බෞද්ධයන්ගෙ රටක් නෙමෙයි. ලංකාව කියන්නෙ ශ්‍රී ලාංකිකයන්ගෙ රටක්. ඒ ශ්‍රී ලාංකිකයන්ගෙ රටේ බහුතරය සිංහල බෞද්ධ,” යැයි අමාත්‍ය මංගල සමරවීර මාතර පැවති ජන හමුවක දී පසුගියදා කියා තිබුනි.

මෙරට සියලු ජාතීන් ජිවත් වන බැවින් එක් ජාතියකට පමණක් රටේ අයිතිය හිමි නොවන බවයි බන්ධනාගාර රැඳැවියන්ගේ අයිතිවාසිකම් සුරැකීමේ කමිටුව පෙන්වා දෙන්නේ.

“මේ රටේ සිංහල, දෙමළ, මුස්ලිම්, බර්ගර්, කතෝලික එවැනි සියලු ජාතීන් ජිවත් වන රටක්. එහෙම නම් මේ රට එක ජාතියකට විතරක් අයිතියි කියන්න බැහැ. මොකද මේ පොලවේ යම් කෙනෙක් ඉපදුනානම් ඒක ඔහුගේ නිජබිම. ඒ නිජබිම අයිති ඔහුට. මේ රටේ ජිවත් වන හැමෝටම මේ රට අයිතියි.” යනුවෙන් එම කමිටුවේ කැඳවුම්කාර සුදේෂ් නන්දිමාල් 20 සඳුදා කොළඹ පැවති මාධ්‍ය හමුවක දී කියා සිටියේය.

මංගල සමරවීර අමාත්‍යවරයා කරන ලද ප්‍රකාශයෙන් ජාතිවාදීන් මෙන්ම සුළු ජාතීන් රවටමින් බලයට පැමිණි දේශපාලකයන් ද කලබල වී දඟලමින් සිටින බව ද හෙතෙම සඳහන් කළේය.

මේ වන විට රටේ ආරක්ෂාව යථා තත්ත්වයට පත් වී ඇති බව පෙන්වා දෙන බන්ධනාගාර රැඳැවියන්ගේ අයිතිවාසිකම් සුරැකීමේ කමිටුව එහෙත් ජාතිවාදීන් විසින් ජනයා කුපිත කරමින් දරුවන්ගේ අධ්‍යාපනය පවා කඩකප්පල් කරමින් සිිටින බවට චෝදනා කරන ලදී.

එසේ කරමින් ජාතිවාදීන් බලය ලබා ගැනීමට උත්සාහ දරමින් සිටියදී ප්‍රති ත්‍රස්ත පනත වැනි පනත් ගෙන එමින් ආණ්ඩුව විසින් ජනතාව පීඩනයට පත් කරමින් සිටින බවටයි සුදේෂ් නන්දිමාල් වැඩි දුරටත් චෝදනා කරන්නේ.

Facebook Comments