රට තුළ ජාතිවාදය පතුරුවා මුස්ලිම් ජනයා පීඩාවට පත් කරමින් ගෙන ගිය ප්‍රචන්ඩත්වයෙන් ශ්‍රී ලාංකිකයන්ගේ කීර්ති නාමයට සහ විශේෂයෙන්ම බෞද්ධ ජනතාවගේ ගෞරවයටත් සිදුවු හානියක් සිදුවු බව කතානායකවරයා පෙන්වා දී ඇත.
පාස්කු ඉරිදා ප්‍රහාරයෙන් පසුව වෙසක් පුර පසලොස්වක පොහොය දිනය උදාවන තුරුම රට පුරා පැතිරිගිය භීතිය පතුරුවන සුුළු ප්‍රචාරයන් මුළුමනින්ම අසත්‍ය බව අවධාරණය කරන කතානායක කරූ ජයසුරිය ඒවා පිටුපස කඩාකප්පල්කාරී බලවේග සිටින බව ජනතාව පසක් කරගෙන ඇති බව නිවේදනයක් නිකුත් කරමින් පවසයි.
පාස්කු ඉරුදින ප්‍රහාරය පසුබිමෙහි ක්‍රියාත්මක වූ ත්‍රස්තවාදී ව්‍යාපාරය සියයට අනුපහක් විනාශ කර හෝ අත්අඩංගුවට ගෙන ඇති බව ත්‍රිවිධ හමුදාව හා පොලිසියත් ඒම බුද්ධි අංශ විසිනුත් තහවුරු කර ඇති බවයි කතානායකවරයා පෙන්වා දෙන්නේ.
එසේ හෙයින් සුපුරුදු දෛනික කටයුතු සහ දරුවන්ගේ පාසල් අධ්‍යාපන කටයුතු නොපැකිලව සිදුකරන ලෙස ද කතානායක කරූ ජයසුරිය ජනතාවගෙන් ඉල්ලා සිටී.
මෙවර වෙසක් උත්සවයේදී කතෝලික, ක්‍රිස්තියානි හා මුස්ලිම් ප්‍රජාව අමිහිරි මතකයන් යටපත් කර වෙසක් සැමරුමට දායක වූ අන්දම ඉස්මතු වන විශේෂිතම තත්ත්වයක් බව පවසන කතානායකවරයා “සහෝදරත්වයේ බැඳිම, ගෞරවය සහ අන්නෝන්‍ය විශ්වාසය බිද දැමීමට කිසිඳු බලවේගයකට ඉඩ නොතබමු.” යැයි සිය නිවේදනයෙන් අවධාරණය කරයි.
Facebook Comments
