වසර 66ක තම ජිවිත කාලය තුල වැඩි පුරම කෙස් ගැලවි ගියේ මුදල් ඇමැතිකම දරන ලද පසුගිය මාස 06 කාලය තුල බව මුදල් ඇමැතිවරයා පවසයි.
මුදල් ඇමැතිධුරය ලැබුන පලමු දින පහලොව තුල තමන් නිලධාරීන් සමග සාකච්ඡා කර රටේ ආර්ථිකයේ ඇත්ත තත්වය දැන ගත් බවයි මුදල් හා ජනමාධ්‍ය අමාත්‍ය මංගල සමරවීර පවසන්නේ.
‘‘මුදල් ඇමැතිකම මට ලැබුණේ ගිය මැයි මාසෙ. මම මුලින් ම කළේ දවස් දහයක විතර කාලයක් සියලු ම වැඩ කටයුතු පැත්තකට තියලා නිලධාරීන් සමග සාකච්ඡා කරල රටේ ආර්ථිකයේ ඇත්ත තත්වය මොකක් ද කියල දැන ගත්ත එකයි. මගේ වසර 66ක ජීවිත කාලෙන් වැඩි පුරම කෙස් ගැලවිලා ගියේ මුදල් ඇමැතිකමේ වැඩකරපු පහුගිය මාස හය කියලයි මම හිතන්නෙ” යි හෙතෙම පැවසුවේ ‘බදු වගකීමක් නොව සමාජ යුතුකමකි‘ මැයෙන් 24 සිකුරාදා මාතර දී ආරම්භ වූ සම්මන්ත්‍රණ මාලාවේ සමාරම්භක අවස්ථාවට එක්වෙමිනි.
මෙරට වක්‍ර සහ සෘජු ආදායම 80-20 මට්ටමේ පවතින බව කී ඇමැතිවරයා මෙතෙක් බදු බර පටවා ඇත්තේ බදු ගෙවමින් සිටින ජනතාවටම බැවින් නව දේශීය ආදායම් පනත හඳුන්වා දුන් බව කියා සිටියේය.
නව පනත ලබන අප්‍රේල් මාසයේ පළමු වැනිදා සිට ක්‍රියාත්මක වන බව පවසන ඇමැති මංගල පනත එසේ ක්‍රියාත්මක කරන ලද්දේ ජනතාවට පනත පිළිබඳ අධ්‍යනය කිරීමේ පහසුව තකා බව ප්‍රකාශ කළේය.
ව්‍යාපාරික ඥනය
රටේ ජනතාවගේ ජානවල වල ව්‍යාපාරික ඥානය ඇති බව ඇමැතිවරයා කියා සිටියේ “ඇලෙක්සැන්ඩ්‍රියාවෙන් ගෙනාපු අස්සයො පිටේ තමයි අපේ ඉස්සර රජවරුන්ගේ වාහන වුණ. ඒ වගේ ම තමයි අපේ මුතු මැණික් ඊජිප්තුවේ ෆේරෝවරුන් පැළැඳි බවට සාධක තියෙනවා. ක්ලෝපැට්රා වුණත් ශ්‍රී ලංකාවේ මැණික් ගලක් පැළගෙන හිටිය කියල ආරංචි වුණොත් මම පුදුම වෙන්නෙ නෑ” යැයි ද පවසමිනි.
එම ව්‍යාපාරික ඥානය අවදි කර ගත යුතු බව අවධාරණය කරන මුදල් ඇමැති මංගල සමරවීර යල් පැන ගිය නීති වෙනස් කරමින් රේගු නීතිය සහ සුරාබදු පනත වෙනස් කිරීමට කටයුතු කරන බව වැඩි දුරටත් කියා සිටියේය.
Facebook Comments
