ශ්‍රී ලංකා පවුල් සංවිධාන සංගමය විසින් ස්ථාපනය කරන ලද ලංකාවේ මුල්ම උපත් පාලන යන්ත්‍රයෙන් කොපු ලබා ගැනිමේ පහසුකම එක් දුරකතන සමාගමක ග්‍රාහකයන්ට පමණක් සිමා කර ඇත.
එම යන්ත්‍රයෙන් උපත් පාලන කොපු ලබා ගත හැක්කේ ඩයලොග් පාරිභෝගිකයන්ට පමණක් වන අතර අනෙකුත් දුරකතන ඡාලා සම්බන්ධතා භාවිතා කරන්නන් හට කොපු ලබා ගැනිමේ අවස්ථාවක් ලබා දී නොමැත.
ශ්‍රී ලංකා පවුල් සංවිධාන සංගමය විසින් ආරම්භ කරන ලද මෙම ව්‍යපෘතියට ඩයලොග් ආයතනය අනුග්‍රහකත්වය දක්වා ඇති බැවින් එම ආයතනයේ පාරිභෝගිකයන්ට පමණක් මෙම සේව‍ාව සිමා කරන ලද බවයි එම සංවිධානයේ ප්‍රකාශකයෙකු සිලෝන් ජර්න්ල්ස් හා කියා සිටියේ.
තමන්ගේ දුරකථන අංකය ඇතුළත් කිරීමෙන් පසුව එම අංකයට ලැබෙන PIN අංකය යන්ත්‍රයට ඇතුළත් කිරීමෙන් මෙම යන්ත්‍රය මඟින් උපත් පාලන කොපු ලබා ගැනීමට හැකිය.
එක් උපත් පාලන කොපු පැකට්ටුවක් සඳහා රුපියල් 50ක් අය වන අතර මාසික දුරකථන බිල්පතේ එය මිලදී ගත් භාණ්ඩය හෝ අදාළ කරුණ සඳහන් බවයි ශ්‍රී ලංකා පවුල් සංවිධාන සංගමය වැඩි දුරටත් පවසන්නේ.
Facebook Comments
